اسلام آباد/جنیوا: وفاقی وزیر برائے قومی صحت سید مصطفیٰ کمال آج جنیوا پہنچ گئے جہاں وہ 2 سے 5 دسمبر 2025 تک ہونے والی Gavi بورڈ میٹنگز میں پاکستان کی نمائندگی کریں گے۔ ان اجلاسوں میں عالمی سطح پر ویکسین کی فراہمی، حفاظتی ٹیکہ جات کے پروگراموں کی مضبوطی اور فنڈنگ سے متعلق اہم فیصلے کیے جائیں گے، جن میں پاکستان بھی ایک فعال شراکت دار کے طور پر شریک ہوگا۔
جنیوا میں اپنے قیام کے دوران، وفاقی وزیر نے صومالیہ کے معزز نمائندے ڈاکٹر محمد جامع سے خصوصی ملاقات کی۔ ملاقات میں EMRO کنسٹیٹیوئنسی کے ویکسین سے متعلق امور، علاقائی تعاون، اور رکن ممالک کے باہمی اشتراک کو مضبوط بنانے پر تفصیلی گفتگو ہوئی۔ دونوں رہنماؤں نے حفاظتی ٹیکہ کاری پروگراموں میں بہتری، رسائی اور استعداد کار بڑھانے کے حوالے سے اپنے اپنے ممالک کے تجربات بھی شیئر کیے۔
وفاقی وزیر نے اس موقع پر کہا کہ پاکستان عالمی صحت کے پلیٹ فارمز پر اپنا کردار فعال انداز میں ادا کرتا رہے گا اور خطے میں حفاظتی ٹیکہ جات کی بہتر فراہمی کے لیے شراکت داری مزید مضبوط بنائی جائے گی۔
متعلقہ پوسٹ
پاکستان میں دہشت گرد حملوں میں 46 فیصد اضافہ، تین ماہ میں 901 افراد ہلاک
اسلام آباد (نمائندہ خصوصی وائس آف جرمنی) اسلام آباد میں قائم ایک تھنک ٹینک نے اپنی تازہ ترین رپورٹ میں انکشاف کیا ہے کہ پاکستان میں رواں سال جولائی سے ستمبر کے دوران دہشت گرد حملوں میں 46 فیصد اضافہ ریکارڈ کیا گیا، جس کے نتیجے میں 901 افراد ہلاک ہوئے۔سینٹر فار ریسرچ اینڈ سیکیورٹی اسٹڈیز (CRSS) کے مطابق زیادہ…
علیمہ خان کا شناختی کارڈ اور پاسپورٹ بلاک، بینک اکاؤنٹس منجمد، گرفتار کرکے پیش کرنے کا حکم
انسدادِ دہشت گردی عدالت راولپنڈی نے چیئرمین تحریک انصاف عمران خان کی ہمشیرہ علیمہ خان کا شناختی کارڈ اور پاسپورٹ بلاک کرنے، بینک اکاؤنٹس منجمد کرنے اور انہیں گرفتار کرکے عدالت میں پیش کرنے کا حکم دے دیا۔انسدادِ دہشت گردی عدالت کے جج امجد علی شاہ کے روبرو تھانہ صادق آباد میں درج ہنگامہ آرائی، توڑ پھوڑ اور جلاؤ گھیراؤ…
