(انور عباس)سابق روسی سفیر بکلانوو اور ایچ ایس ای کے انٹرنیشنل ریلیشنز کے زیرِ تعلیم طلبہ نےماسکو میں پاکستانی سفارت خانے ‘پاکستان ہاوس’ کا دورہ کیا, یہ دورہ پاکستانی سفیر فیصل نیاز ترمزی کی دعوت پر کیا گیا, دورہ کرنے والے طلبہ کا تعلق پاکستان، روس، ازبکستان اور تاجکستان سے تھا۔
ترجمان پاکستانی سفارتخانہ ماسکو کے مطابق تقریب کے مہمانِ خصوصی روسی فیڈریشن کے سعودی عرب میں سابق سفیر آندرے گلیبووچ بکلانوو تھے،آندرے گلیبووچ بکلانوو فی الوقت ہائر اسکول آف اکنامکس (ایچ ایس ای) میں بطور پروفیسر خدمات سرانجام دے رہے ہیں,ملاقات کے دوران پاکستانی سفیر فیصل نیاز ترمزی نے مہمانوں کو وادی سندھ کی قدیم تہذیب اور پاکستان کے تاریخی ورثے سے روشناس کرایا,انہوں نے پاکستان اور روس کے درمیان گہرے ہوتے دوطرفہ تعلقات پر بھی روشنی ڈالی، یہ تعلقات تجارت، ثقافت اور سفارت کاری سمیت مختلف شعبوں میں مسلسل فروغ پارہے ہیں۔
اس موقع پر وسطی ایشیائی ممالک کے راستے پاکستان اور روس کو جوڑنے والے رابطے اور تعاون کے منصوبوں پر بھی تفصیلی بات چیت ہوئی, فیصل نیاز ترمذی نے بین الاقوامی سیاست، خارجہ پالیسی، اور تبدیل ہوتی عالمی صورتحال کے بارے میں طلبہ کے سوالات کے جامع جوابات بھی دیے, تقریب کے اختتام پر، فیصل نیاز ترمزی کو ہائر اسکول آف اکنامکس ماسکو میں ایک خصوصی لیکچر دینے کی دعوت بھی دی گئی۔
یہ بھی پڑھیں:روس یوکرین تنازعہ پر اقوام متحدہ میں پاکستان کے مؤقف کا شکریہ ادا کرتا ہے;روسی سفیر
