پنجاب کے مختلف علاقوں میں شدید دھند کے باعث حدِ نگاہ متاثر ہو گئی ہے، جس کے نتیجے میں موٹرویز کو مختلف مقامات پر بند کر دیا گیا ہے۔ شدید دھند کے باعث موٹروے ایم ٹو ٹھوکر نیاز بیگ سے للہ انٹرچینج جبکہ ایم تھری فیض پور سے سمندری تک ٹریفک کے لیے بند کر دی گئی ہے۔
اس کے علاوہ ایم فور شیر شاہ سے پنڈی بھٹیاں ، ایم فائیو شیر شاہ سے ظاہر پیر اور ایم الیون لاہور سے سمبڑیال تک بند ہے جبکہ موٹروے ایم فائیو ظاہر پیر سے روہڑی تک بڑی گاڑیوں کے لیے بند کردی گئی۔
شدید دھند کے باعث قومی شاہراہ پر بھی ٹریفک کی روانی متاثر ہے۔
موٹروے پولیس نے شہریوں کے دھند کے اوقات میں غیر ضروری سفر نہ کرنے کا مشورہ دیا ہے۔
