ایس ایس پی آپریشنز اسلام آباد کا ایس ایچ اوز کے ساتھ اہم اجلاس

اسلام آباد (عباس احمد )ایس ایس پی آپریشنز اسلام آباد قاضی علی رضا نے وفاقی دارالحکومت میں امن و امان کی صورتحال کو مزید مؤثر بنانے کے لیے تمام تھانہ جات کے ایس ایچ اوز کے ساتھ ایک اہم اجلاس منعقد کیا، جس میں پولیس کی مجموعی کارکردگی، سکیورٹی اقدامات اور جاری آپریشنز کا تفصیلی جائزہ لیا گیا۔اجلاس کے دوران ایس ایس پی آپریشنز نے افسران کو ہدایات جاری کرتے ہوئے کہا کہ شہر میں امن و امان کے قیام کو ہر صورت یقینی بنایا جائے اور غیر قانونی طور پر مقیم افغان شہریوں کے خلاف مؤثر اور بھرپور کریک ڈاؤن کیا جائے۔ انہوں نے واضح کیا کہ فرائض میں غفلت یا لاپرواہی ہرگز برداشت نہیں کی جائے گی جبکہ بہترین کارکردگی کا مظاہرہ کرنے والے افسران کی بھرپور حوصلہ افزائی کی جائے گی۔اسی سلسلے میں فرائض کی انجام دہی کے دوران نمایاں کارکردگی دکھانے پر ڈی آئی بی ٹیم اور ناکہ فیض آباد پر تعینات افسران کو انعامات اور تعریفی اسناد سے نوازا گیا۔