لاہور میں پیٹرولیم قیمتوں کے اضافے کے خلاف جے یو آئی کا دھرنا

IMG 20260403 WA2181


لاہور — وفاقی حکومت کی جانب سے پٹرول اور ڈیزل کی قیمتوں میں ریکارڈ اضافے کے خلاف جماعت علماء اسلام (جے یو آئی) نے لاہور میں شدید احتجاج کیا ہے۔
دبئی چوک، اقبال ٹاؤن میں مظاہرین کی بڑی تعداد نے سڑک پر بیٹھ کر حکومت کے خلاف نعرے بازی کی اور قیمتوں میں فوری کمی کا مطالبہ کیا۔ مظاہرین نے نعرے لگائے کہ "مہنگائی بند کرو”، "حکومت جاگ جاؤ” اور "غریبوں کا قاتل حکومت”۔
احتجاج کے شرکا نے کہا کہ اگر حکومت نے قیمتوں میں کمی کا اعلان نہ کیا تو احتجاج کا دائرہ مزید وسیع کر دیا جائے گا۔ انہوں نے خبردار کیا کہ یہ دھرنا صرف آغاز ہے اور اگر مطالبات قبول نہ کیے گئے تو پورے شہر اور صوبے میں احتجاج پھیلا دیا جائے گا۔
مظاہرین کا کہنا تھا کہ پٹرول کی قیمت 458 روپے 41 پیسے اور ڈیزل 520 روپے 35 پیسے فی لیٹر تک پہنچنے سے عام شہری، موٹرسائیکل سوار، ٹرانسپورٹ اور کسان شدید متاثر ہو رہے ہیں۔ یہ اضافہ غریب عوام کی کمر توڑنے والا ہے۔
جے یو آئی قائدین نے حکومت پر الزام لگایا کہ وہ عالمی تیل کی قیمتوں کے بہانے عوام پر بوجھ ڈال رہی ہے جبکہ خود مہنگائی سے نجات نہیں دلا پا رہی۔ انہوں نے مطالبہ کیا کہ حکومت فوری طور پر قیمتوں میں کمی کرے اور عوام کو ریلیف دے۔
پولیس نے دھرنے کے مقام پر سیکورٹی کے سخت انتظامات کیے ہوئے ہیں۔ اب تک کوئی گرفتاری نہیں ہوئی۔

متعلقہ پوسٹ