ایرانی وزیر خارجہ عباس عراقچی کی فیلڈ مارشل سید عاصم منیر اور اسحاق ڈار سے اہم گفتگو

IMG 20260424 WA1710


تہران/اسلام آباد: ایرانی وزیر خارجہ سید عباس عراقچی نے پاکستان کے آرمی چیف فیلڈ مارشل سید عاصم منیر اور نائب وزیر اعظم و وزیر خارجہ محمد اسحاق ڈار سے علاقائی صورتحال اور امن کے امور پر اعلیٰ سطح کی گفتگو کی ہے۔
ایرانی میڈیا کے مطابق، عباس عراقچی نے گزشتہ دنوں تہران میں فیلڈ مارشل عاصم منیر کی آمد پر خوش آمدید کہی اور ان کے ساتھ ملاقات کی۔ دونوں راہنماؤں نے باہمی تعلقات، علاقائی امن اور امریکہ-ایران مذاکرات کی بحالی کے حوالے سے تفصیلی بات چیت کی۔ عراقچی نے پاکستان کا شکریہ ادا کیا کہ اس نے سابقہ بات چیت کی میزبانی کی، جبکہ پاکستانی آرمی چیف نے ایران کے ساتھ بھائی چارے کے تعلقات اور علاقائی استحکام کی حمایت کا اعادہ کیا۔
جمعہ کو ایرانی سرکاری میڈیا (ارنا) نے بتایا کہ وزیر خارجہ عباس عراقچی نے الگ الگ ٹیلیفون کالز پر فیلڈ مارشل سید عاصم منیر اور اسحاق ڈار سے رابطہ کیا۔ گفتگو کا مرکزی موضوع علاقائی پیش رفت، جنگ بندی کے امور اور مبینہ خلاف ورزیوں پر تشویش رہا۔ دونوں فریقوں نے قریبی رابطے برقرار رکھنے اور سفارتی تعاون بڑھانے پر اتفاق کیا۔
یہ ملاقاتیں اور رابطے پاکستان کی ثالثی کی کوششوں کا حصہ ہیں، جو امریکہ اور ایران کے درمیان تعطل کا شکار مذاکرات کو بحال کرنے کے لیے جاری ہیں۔ فیلڈ مارشل منیر کا تہران کا دورہ ایرانی صدر اور دیگر اعلیٰ حکام سے ملاقاتوں کا بھی حصہ تھا۔
پاکستان اور ایران کے درمیان یہ اہم رابطے دونوں ممالک کے گہرے برادرانہ تعلقات اور مشرق وسطیٰ میں امن و استحکام کی مشترکہ دلچسپی کی عکاسی کرتے ہیں۔

متعلقہ پوسٹ