یوکرین: بحری ڈرون رومانیہ کی بندرگاہ میں پھٹ گیا


بخارسٹ — رومانیہ کی بحیرہ اسود پر واقع بندرگاہ کونستانتا میں جمعہ کی صبح ایک تیل ٹرمینل کے قریب بحری ڈرون دھماکے سے پھٹ گیا تاہم اس واقعے میں کوئی جانی نقصان نہیں ہوا۔
بخارسٹ میں روسی سفارت خانے نے دعویٰ کیا ہے کہ یہ ڈرون یوکرینی تھا۔ واقعے کے بعد رومانی حکام نے بندرگاہ کے علاقے میں سیکیورٹی کو ہائی الرٹ پر رکھا۔
یہ واقعہ اس لحاظ سے انتہائی سنگین ہے کہ کونستانتا نیٹو رکن ملک رومانیہ کی سب سے بڑی اور اہم بندرگاہ ہے۔ بحیرہ اسود میں جاری کشیدگی اب یورپی سرزمین کے قریب پہنچتی دکھائی دے رہی ہے جس سے علاقائی سلامتی پر سنگین سوالات اٹھ رہے ہیں۔

متعلقہ پوسٹ