’’ہم خوشحال ازدواجی زندگی گزار رہے ہیں‘‘، دانش تیمور نے علیحدگی کی افواہوں پر حقیقت بتادی
عائزہ خان سے رشتہ ختم ہونے کی افواہوں پر دانش تیمور خاموشی توڑ دی
-
ویب ڈیسک -
پاکستان کے معروف اداکار دانش تیمور نے اہلیہ عائزہ خان سے علیحدگی کی گردش کرتی افواہوں پر وضاحت کرتے ہوئے انہیں مسترد کردیا۔
دانش تیمور نے اہلیہ سے علیحدگی کی افواہوں پر ردعمل دیتے ہوئے کہا کہ میں اور عائزہ خان خوشحال ازدواجی زندگی گزار رہے ہیں۔
اداکار کا کہنا تھا کہ عائزہ خان ان کے بچوں کی ماں اور ان کی شریک حیات ہیں، کچھ لوگوں کو ہماری خوشحال زندگی پسند نہیں آرہی۔
دانش تیمور نے کہا کہ میں ان دنوں اپنے نئے پروجیکٹ میں دن رات مصروف ہوں اور فضول باتوں یا جھوٹی خبروں پر توجہ نہیں دیتا۔
واضح رہے کہ اس سے قبل عائزہ خان بھی ایک فین پیج کی جانب سے پوچھے گئے سوال کا جواب دیتے ہوئے دانش تیمور سے علیحدگی کی افواہوں کو مسترد کرچکی ہیں۔
