نیتن یاہو کا عہد: جب تک وزیراعظم رہوں گا، فلسطینی ریاست قائم نہیں ہونے دوں گا

اسرائیلی وزیراعظم بنیامین نیتن یاہو نے عہد کیا ہے کہ جب تک وہ اپنے عہدے پر فائز رہیں گے، غزہ یا مقبوضہ مغربی کنارے میں فلسطینی ریاست کے قیام کو روکیں گے۔ ان کے یہ بیانات متحدہ عرب لسٹ کے رہنما منصور عباس کے ردعمل میں سامنے آئے، جنہوں نے کہا تھا کہ فلسطین بطور ریاست پہلے سے موجود ہے اور دنیا کی اکثریت اسے تسلیم کرتی ہے۔
عباس نے اسرائیل اور امریکہ سے مطالبہ کیا کہ وہ فلسطینی ریاست کو تسلیم کریں۔ اس کے جواب میں نیتن یاہو نے کہا: "جب تک میں وزیراعظم ہوں، ایران کے زیرِ کنٹرول کوئی فلسطینی ریاست نہیں ہوگی۔”
یہ بیانات ۲۷ اکتوبر کو ہونے والے کنیسٹ (اسرائیلی پارلیمان) کے انتخابات سے قبل سامنے آئے، جبکہ سروے ظاہر کرتے ہیں کہ نیتن یاہو کی جماعت لیکوڈ اور اس کے اتحادی حکومت سازی کے لیے درکار ۶۱ نشستیں حاصل کرنے میں ناکام رہیں گے۔ لیکوڈ، جس کے پاس فی الحال ۳۲ نشستیں ہیں، حالیہ سروے میں زوال کا شکار ہے — جمعہ کے سروے میں اسے صرف ۲۰ نشستیں ملنے کا امکان ظاہر کیا گیا۔ ۱۹ اگست کو شائع ہونے والے چینل ۱۳ کے سروے کے مطابق لیکوڈ اور اس کے انتہائی دائیں بازو کے اتحادیوں کو مجموعی طور پر ۵۱ نشستیں مل سکتی ہیں، جو اکثریت سے ۱۰ کم ہیں۔