امریکا کی ایران کے جزیرہ قشم پر محدود کارروائی، ٹرمپ نے "معمولی حملہ” قرار دے دیا

images 11 16


واشنگٹن/تہران: صدر ٹرمپ نے جمعہ 6 نومبر کی شام تصدیق کی کہ امریکی فوج نے آبنائے ہرمز میں ایرانی جزیرہ قشم پر ایک فضائی دفاعی نظام کو نشانہ بنایا۔
ٹرمپ کے مطابق ایران نے "ایک چھوٹا سا طیارہ شکن نظام” بنایا تھا جسے "پندرہ منٹ میں، شاید پانچ میں” تباہ کر دیا گیا۔ انہوں نے کہا کہ "ہم لڑ نہیں رہے” اور ایران کے ساتھ مذاکرات میں "کافی پیش رفت” ہوئی ہے۔
ایرانی سرکاری خبر رساں ایجنسی ارنا کے مطابق قشم کے علاقے سوزا میں دو میزائل گرے۔ ایرانی میڈیا نے یہ بھی دعویٰ کیا کہ جزیرے پر ایک امریکی MQ-9 ڈرون مار گرایا گیا، جس کی امریکہ نے تصدیق نہیں کی۔
یہ رواں ہفتے کی دوسری کارروائی ہے۔ اس سے قبل 2 نومبر کو امریکی فوج نے قشم پر ریڈار اور میزائل لانچرز کو نشانہ بنایا تھا، جسے امریکی حکام نے "دفاعی اقدام” کہا۔ بتایا گیا ہے کہ یہ حملہ امریکی وسط مدتی انتخابات کے بعد پہلی کارروائی ہے۔
دوسری جانب قطر کی ثالثی میں امریکہ اور ایران کے درمیان مذاکرات جاری ہیں اور ایران قطری تجاویز کا جائزہ لے رہا ہے۔

متعلقہ پوسٹ