ممبئی — امریکی صدر ڈونلڈ ٹرمپ کی جانب سے بھارتی مصنوعات پر 50 فیصد ٹیرف کے اعلان نے بھارتی اسٹاک مارکیٹ کو ہلا کر رکھ دیا، جہاں صرف ایک دن میں سرمایہ کاروں کے 50 ارب ڈالر ڈوب گئے۔
بین الاقوامی میڈیا کے مطابق امریکی تجارتی پابندیوں اور بھارتی کمپنیوں کی کمزور آمدنی کے باعث جمعہ کو ممبئی اسٹاک ایکسچینج میں شدید مندی دیکھی گئی۔ نِفٹی 50 انڈیکس 0.6 فیصد کمی سے 24,484 پوائنٹس جبکہ سینسیکس بھی 0.6 فیصد گر کر 84,140 پوائنٹس پر بند ہوا۔
ممبئی اسٹاک ایکسچینج کے 16 میں سے 15 شعبے گراوٹ کا شکار ہوئے، جن میں 0.4 سے 0.7 فیصد کمی ریکارڈ کی گئی۔ آئی ٹی اور فارما سیکٹر پہلے ہی گزشتہ روز بالترتیب 0.9 اور 0.7 فیصد گر چکے تھے۔
مارکیٹ ماہرین کا کہنا ہے کہ امریکی ٹیرف کے اعلان کے بعد غیر یقینی صورتحال کے باعث غیر ملکی سرمایہ کاروں نے جمعرات کو ہی بھارتی مارکیٹ سے تقریباً 50 ارب ڈالر نکال لیے، جس سے مندی مزید گہری ہو گئی۔
