(سلیم رضا) بنگلہ دیش کی قومی اسمبلی کے انتخابات اور ریفرنڈم 12 فروری کوہونگے! ڈھاکہ میں الیکشن شیڈول کا اعلان کر دیاگیا۔
قوم سے خطاب میں بنگلہ دیش کے چیف الیکشن کمشنر (CEC) AMM ناصر الدین نے 13ویں قومی اسمبلی کے انتخابات اور جولائی کے قومی چارٹر پر عمل درآمد کے حوالے سے ریفرنڈم کے شیڈول کا اعلان کرتے ہوئے انتخابات کی تاریخ 12 فروری 2026 کو برقرار رکھی ہے۔
انہوں نے جمعرات کی شام قوم سے خطاب میں انتخابی شیڈول کا اعلان کیا۔ بنگلہ دیش الیکشن کمیشن کے شیڈول کے مطابق امیدواروں کے کاغذات نامزدگی جمع کرانے کی آخری تاریخ 29 دسمبر ہے، کاغذات نامزدگی کا انتخاب 30 دسمبر سے 4 جنوری تک ہے، ریٹرننگ افسر کے فیصلے کے خلاف اپیلیں 11 جنوری کو دائر کی جا سکتی ہیں اور 12 سے 18 جنوری تک اپیل نمٹا دی جائے گی۔
کاغذات نامزدگی واپس لینے کی آخری تاریخ 20 جنوری ہے، نشانات 21 جنوری کو الاٹ کئےجائیں گے۔ انتخابی مہم 22 جنوری کو شروع ہو کر 10 فروری کو صبح 7:30 بجے تک جاری رہے گی۔ بنگلہ دیش بھر میں 300 پارلیمانی حلقوں میں 12 فروری کو ووٹ ڈالے جائیں گے۔اس الیکشن میں ووٹرز کی کل تعداد 127 لاکھ 95 ہزار 193 ہے۔ بیرون ملک مقیم بنگلہ دیشی ووٹرز کو بھی پوسٹل بیلٹ کے ذریعے ووٹ ڈالنے کا موقع مل رہا ہے۔
یہ بھی پڑھیں:فیض حمید کی سزا پر وزیراعلیٰ خیبرپختونخوا بھی کھل کر بول پڑے
