اسلام آباد: تحریک انصاف کی قیادت نے جمعہ کو سپریم کورٹ کے باہر دھرنا دیا، جس میں پارٹی بانی اور سابق وزیراعظم عمران خان تک رسائی اور ان کے طبی علاج سے متعلق خدشات کا اظہار کیا گیا یہ احتجاج اڈیالہ جیل کے باہر رات بھر جاری دھرنے کے بعد سامنے آیا۔
وزیر اعلیٰ خیبرپختونخوا سہیل آفریدی اور سیکرٹری جنرل سلمان اکرم راجا چیف جسٹس یحییٰ آفریدی سے ملاقات کے لیے عدالت گئے، تاہم ان کی چیف جسٹس سے ملاقات نہیں ہو سکی ۔ صرف سلمان اکرم راجا اور لطیف کھوسہ کی رجسٹرار سپریم کورٹ سے 10 منٹ کی ملاقات ہوئی
سپریم کورٹ کے باہر میڈیا سے گفتگو کرتے ہوئے سلمان اکرم راجا نے کہا: "ہمیں پی ٹی آئی بانی سے ملنے کی اجازت نہیں دی جا رہی۔ پی ٹی آئی بانی کی آنکھ کی سرجری ہم سے چھپائی گئی۔ انہیں ہسپتال لے جایا گیا اور درست وقت ظاہر نہیں کیا گیا” ۔
سلمان اکرم راجا نے مزید کہا کہ عمران خان کو سرجری کے لیے پمز ہسپتال لے جایا گیا، جسے حکومت نے پانچ دن تک تسلیم نہیں کیا ۔ انہوں نے کہا: "قانون کی ضرورت ہے کہ اگر قیدی کو ہسپتال لے جایا جائے تو اس کے خاندان کو آگاہ کیا جائے۔ ہم یہاں اس وقت تک بیٹھیں گے جب تک ہمارے حقوق محفوظ نہیں ہو جاتے۔
سلمان اکرم راجا اور لطیف کھوسہ نے اٹارنی جنرل منصور عثمان سے ملاقات کے دوران پی ٹی آئی بانی کی طبی رپورٹس تک رسائی کی درخواست کی ۔ عثمان نے درخواست کو آگے بھیجنے کا طریقہ کار بتایا، جس پر وفاقی حکومت غور کر رہی ہے تاکہ عمران خان کے ذاتی معالجین کو رسائی دی جا سکے۔
وزیراعلیٰ خیبرپختونخوا سہیل آفریدی نے کہا کہ پی ٹی آئی بانی بیمار ہونے پر جیل میں معائنہ کیا گیا، لیکن ان کے خاندان اور وکلاء کو آگاہ نہیں کیا گیا
سپریم کورٹ میں پی ٹی آئی رہنماؤں کی آمد سے قبل سیکیورٹی سخت کر دی گئی، اضافی اہلکاروں اور قیدی وینوں کو کمپلیکس کے گرد تعینات کیا گیا ۔ تقریباً تین درجن پی ٹی آئی ارکان عدالت کے احاطے کے باہر موجود رہے
قابل ذکر ہے کہ پارٹی نے اسلام آباد ہائی کورٹ میں باضابطہ درخواست دائر کی ہے جس میں قید شدہ رہنما تک رسائی کا مطالبہ کیا گیا ہے احتجاج اڈیالہ جیل کے باہر رات بھر دھرنے کے بعد سامنے آیا۔
