اسلام آباد: (عباس احمد ) چیئرمین سی ڈی اے و چیف کمشنر اسلام آباد محمد علی رندھاوا کی ہدایت پر وفاقی دارالحکومت میں شہریوں کی جان و مال کے تحفظ اور سہولیات کی فراہمی کو یقینی بنانے کیلئے کھلے مین ہولز کو ڈھکن لگانے، فٹ پاتھوں کی مرمت اور سڑکوں پر نصب کرب اسٹونز کی بحالی کی ایک جامع اور وسیع مہم کا آغاز کر دیا گیا ہے۔چیئرمین سی ڈی اے نے سی ڈی اے کے تمام متعلقہ شعبہ جات، میٹروپولیٹن کارپوریشن اسلام آباد (ایم سی آئی) اور آئی سی ٹی انتظامیہ کو فوری اور مؤثر اقدامات کرنے کے واضح احکامات جاری کیے ہیں۔ اس خصوصی مہم کے تحت اسلام آباد کے تمام شہری اور دیہی علاقوں میں موجود کھلے گٹروں اور مین ہولز کو معیاری، مضبوط اور محفوظ ڈھکنوں سے ڈھانپا جائے گا۔چیئرمین سی ڈی اے و چیف کمشنر اسلام آباد محمد علی رندھاوا نے واضح ہدایات جاری کرتے ہوئے کہا ہے کہ دارالحکومت کی حدود میں واقع ہر مین ہول، چاہے وہ سی ڈی اے، پی ٹی سی ایل، واپڈا، ایس این جی پی ایل یا کسی بھی دیگر ادارے کے زیر انتظام ہو، ہر صورت معیاری ڈھکن سے ڈھانپا جائے گا اور کسی قسم کی غفلت برداشت نہیں کی جائے گی۔ان کا کہنا تھا کہ یہ خصوصی مہم اس وقت تک جاری رہے گی جب تک تمام کھلے اور غیر محفوظ مین ہولز کو مکمل طور پر کور نہیں کر دیا جاتا۔ انہوں نے زور دیا کہ شہریوں، بالخصوص بچوں کی حفاظت حکومت کی اولین ترجیح ہے۔چیئرمین سی ڈی اے کی ہدایت پر گزشتہ روز سے سی ڈی اے اور ضلعی انتظامیہ کی متعلقہ ٹیمیں فیلڈ میں متحرک ہیں اور مختلف علاقوں میں عملی اقدامات جاری ہیں۔ شہریوں سے بھی اپیل کی گئی ہے کہ وہ کسی بھی مقام پر کھلا یا غیر محفوظ مین ہول یا گٹر دیکھنے کی صورت میں فوری طور پر متعلقہ انتظامیہ کو اطلاع دیں۔علاوہ ازیں، دارالحکومت کی سڑکوں اور گذرگاہوں پر موجود خراب فٹ پاتھوں کی بحالی اور ٹوٹے ہوئے کرب اسٹونز کی تبدیلی کا کام بھی تیزی سے شروع کر دیا گیا ہے۔ اسلام آباد کے پرانے سیکٹرز اور مراکز میں فٹ پاتھوں کی مرمت کے ذریعے شہریوں کی سہولت اور شہر کی خوبصورتی کو بہتر بنانے پر خصوصی توجہ دی جا رہی ہے۔چیئرمین سی ڈی اے نے متعلقہ ٹیموں کو ہدایت کی ہے کہ وہ فیلڈ میں اپنی موجودگی کو یقینی بنائیں اور شہریوں کو بہترین اور بروقت خدمات فراہم کریں۔ ان اقدامات کے نتیجے میں نہ صرف شہریوں کی حفاظت کو یقینی بنایا جا سکے گا بلکہ اسلام آباد کے خوبصورت، منظم اور محفوظ ماحول کو بھی برقرار رکھا جا سکے گا
متعلقہ پوسٹ
نیو انڈیا میں ہی ’اسکولی طالبعلم‘ کے روبوٹ بنانے کا دعویٰ قومی سلامتی کے ’خطرے‘ میں تبدیل ہو سکتا ہے
جس طرح نئے آئی ٹی قوانین کا قہر ’محبوب لیڈر‘ کے خلاف پوسٹ کیے جانے والے لطیفوں پر نازل ہو رہا ہے، اس سے واضح ہے کہ یہ مودی حکومت کے سنسرشپ راج کے شروعاتی دن ہیں … آگے آگے دیکھیے ہوتا ہے کیا۔ تصویر بہ شکریہ: پی ایم او ملک کے نئے ’ڈیلیشن بابا‘اشونی ویشنو کی جانب سے لائی…
نیند میں رال بہنا کتنا خطرناک ہے؟
ایسا بیشتر افراد کے ساتھ ہوتا ہے کہ جب وہ سو کر اٹھتے ہیں تو تکیے اور منہ پر رال جمی ہوئی ہوتی ہے۔ ویسے تو بیشتر افراد اس سے شرمندگی محسوس کرتے ہیں مگر ماہرین کے مطابق یہ کوئی خاص بات نہیں، اگر ایسا کبھی کبھار ہوتا ہے۔ امریکا کے نارتھ ویسٹرن یونیورسٹی فینبرگ اسکول آف میڈیسن کے طبی…
"مرد سے تعلق نہ رکھنا بہتر ہے” — جرمن پولیس سربراہ کا بیان، ہنگامہ برپا
برلن، جرمنی |جرمنی کی ایک پولیس ایسوسی ایشن کے سربراہ نے خواتین کو مشورہ دیا ہے کہ وہ مردوں کے ساتھ رومانوی تعلقات سے گریز کریں، اس بیان نے پوری دنیا میں بحث چھیڑ دی ہے۔یہ بیان محض اشتعال انگیزی نہیں بلکہ اس کے پیچھے چونکا دینے والے اعداد و شمار ہیں۔ جرمن سرکاری جرائم کی رپورٹ کے مطابق ہر…
کراچی: کسٹم اور رینجرز کا یوسف گوٹھ ٹرمینل پر چھاپہ، کروڑوں کا اسمگل شدہ سامان برآمد
کراچی: پاکستان کسٹمز اور 91 وِنگ رینجرز نے انسداد اسمگلنگ مہم کے تحت مشترکہ کارروائی کرتے ہوئے بڑی مقدار میں اسمگل شدہ سامان برآمد کر لیا۔ ترجمان کسٹمز کے مطابق مشترکہ کارروائی یوسف گوٹھ بس ٹرمینل پر جمعہ اور ہفتے کی درمیانی شب کی گئی۔ کارروائی کے دوران اسمگل شدہ اسکم ملک، کراکری، ٹائلز، گھڑیاں، ایمیزون کنڈل ٹیبلٹس، کپڑے اور…
ڈالر کی قیمت میں مزید کمی ریکارڈ
کراچی: زرمبادلہ کی دونوں مارکیٹوں انٹربینک اور اوپن مارکیٹ میں مسلسل 58 ویں روز بھی ڈالر کے مقابلے میں روپیہ تگڑا رہا۔ ایکسپریس نیوز کے مطابق زرمبادلہ کے ذخائر، ترسیلات میں تسلسل سے اضافے، امریکا کی پاکستان کے ساتھ اہم شراکت دار کے طور پر ابھرنے، انٹرنیشنل فنانس کارپوریشن اور امریکی ایگزم بینک کے تعاون سے ریکوڈک کاپر پراجیکٹ میں…
