ایس ایس پی آپریشنز اسلام آباد قاضی علی رضا افسران کے ہمراہ مختلف علاقوں کے دورے پر نکل آئے۔ اس دوران انہوں نے فیلڈ میں تعینات پولیس افسران و جوانوں سے ملاقات کی اور ڈیوٹی کے امور کا جائزہ لیا۔ایس ایس پی آپریشنز نے ڈیوٹی پر موجود افسران کو ہمہ وقت الرٹ رہنے، مشکوک سرگرمیوں پر کڑی نظر رکھنے اور فرائض کو پیشہ ورانہ مہارت اور ذمہ داری کے ساتھ انجام دینے کی ہدایات جاری کیں۔ انہوں نے کہا کہ شہریوں کے جان و مال کا تحفظ اسلام آباد پولیس کی اولین ترجیح ہے، جس کے لیے کسی قسم کی غفلت برداشت نہیں کی جائے گی۔قاضی علی رضا نے مزید کہا کہ فیلڈ میں موجود افسران کا متحرک ہونا جرائم کی روک تھام اور امن و امان کی فضا کو برقرار رکھنے میں کلیدی کردار ادا کرتا ہے۔ انہوں نے بہترین کارکردگی کا مظاہرہ کرنے والے افسران و جوانوں کی حوصلہ افزائی بھی کی
