بانی پی ٹی آئی کی آنکھوں کے معائنے کا معاملہ: سپریم کورٹ کا تحریری حکمنامہ جاری

IMG 20260217 WA0061

اسلام آباد (محمد سلیم سے ) — سپریم کورٹ نے بانی پی ٹی آئی عمران خان کی آنکھوں کے معائنے سے متعلق معاملے میں تحریری حکمنامہ جاری کر دیا ہے، جس میں عدالت نے کہا ہے کہ جیل میں درخواست گزار کے حالات میں فی الحال کوئی منفی یا تشویشناک پہلو سامنے نہیں آیا۔
تحریری فیصلے میں سپریم کورٹ نے واضح کیا کہ بانی پی ٹی آئی کی صحت کی حد تک معاملہ نمٹا دیا گیا ہے۔
فیصلے کی تفصیلات:
عدالت نے جیل حکام کی طرف سے پیش کردہ طبی رپورٹس کا جائزہ لیا
موجودہ حالات میں کوئی تشویشناک صورتحال نہیں پائی گئی
صحت کے معاملے میں مناسب سہولیات فراہم کی جا رہی ہیں
عدالت نے اس حوالے سے معاملہ بند کر دیا
واضح رہے کہ بانی پی ٹی آئی کی جانب سے آنکھوں کے معائنے اور علاج کیلئے درخواست دائر کی گئی تھی، جس پر سپریم کورٹ نے سماعت کی تھی۔
جیل حکام نے عدالت کو بتایا تھا کہ قیدی کو تمام ضروری طبی سہولیات فراہم کی جا رہی ہیں اور ماہرین سے باقاعدگی سے معائنہ کروایا جا رہا ہے۔
عدالت نے حکام کو ہدایت کی ہے کہ مستقبل میں بھی صحت کی ضروریات کا خیال رکھا جائے اور ضرورت پڑنے پر بروقت طبی امداد فراہم کی جائے۔

متعلقہ پوسٹ