لاہور سیالکوٹ موٹروے پر کار میں آتشزدگی، 2 افراد زخمی

car in fire1795036938 0



لاہور:

لاہور سیالکوٹ موٹروے پر محمود بوٹی کے قریب کار الٹنے کے بعد آگ لگ گئی، تاہم موٹروے پولیس نے بروقت کارروائی کرتے ہوئے گاڑی میں سوار تمام مسافروں کو بحفاظت نکال لیا۔

ترجمان موٹروے پولیس سید عمران احمد کے مطابق حادثے میں دو افراد زخمی ہوئے جنہیں فوری طور پر اسپتال منتقل کیا گیا، بعدازاں مزید علاج کے لیے میو اسپتال لاہور ریفر کر دیا گیا۔

حادثے کے نتیجے میں کار مکمل طور پر جل کر تباہ ہوگئی، تاہم کوئی جانی نقصان یا جھلسنے کا واقعہ پیش نہیں آیا۔

موٹروے پولیس اور ریسکیو ٹیموں نے موقع پر پہنچ کر آگ پر قابو پایا اور امدادی کارروائی مکمل ہونے کے بعد سڑک کو ٹریفک کے لیے کلیئر کر دیا۔ حادثے کی وجوہات معلوم کرنے کے لیے مزید تحقیقات جاری ہیں۔





Source link

متعلقہ پوسٹ