وزیراعظم شہباز شریف کی ہدایت پر حکومت پاکستان نے فلسطین کے لیے فوری امدادی پیکج کا اعلان کر دیا ہے۔
نیشنل ڈیزاسٹر مینجمنٹ اتھارٹی (این ڈی ایم اے) کے مطابق 2 کارگو طیاروں کے ذریعے 100 ٹن امدادی سامان اگلے دو روز میں روانہ کیا جائے گا۔ امداد اردن اور مصر کے راستے فلسطینی علاقوں تک پہنچائی جائے گی۔
نائب وزیراعظم اسحاق ڈار امدادی سامان کی روانگی اور ترسیل کی نگرانی کریں گے، جبکہ اردن اور مصر میں تعینات پاکستانی سفیر اس بات کو یقینی بنائیں گے کہ امداد بروقت فلسطینی عوام تک پہنچے۔
این ڈی ایم اے نے کہا ہے کہ پاکستانی عوام فلسطینی بہن بھائیوں کے ساتھ مکمل یکجہتی اور حمایت کا اظہار کرتے ہیں۔
