واشنگٹن — امریکی جریدے بلومبرگ نے دعویٰ کیا ہے کہ بھارتی وزیرِاعظم نریندر مودی نے 17 جون کو امریکی صدر کی جانب سے دی گئی عشائیے کی دعوت اس خدشے کے باعث مسترد کر دی کہ وہاں ان کی فیلڈ مارشل عاصم منیر سے ملاقات کرائی جا سکتی ہے۔
رپورٹ کے مطابق مودی اور امریکی صدر کے درمیان اسی روز 45 منٹ طویل ٹیلی فونک گفتگو ہوئی، جسے امریکا اور بھارت کے تعلقات میں ایک "اہم موڑ” قرار دیا جا رہا ہے۔ اس کشیدہ مکالمے کے بعد دونوں ممالک کے تعلقات میں تناؤ بڑھا، جس کا اظہار اس وقت بھی ہوا جب صدر ٹرمپ نے بھارتی معیشت کو "مردہ” قرار دیا اور بھارتی مصنوعات پر 50 فیصد ٹیرف عائد کر دیا۔
