صوبہ خیبر پختونخوا کے ضلع ڈیرہ اسماعیل خان میں پولیس نے جمعے کو بتایا کہ شادی کی ایک تقریب میں خود کش دھماکے کے نتیجے میں پانچ افراد جان سے گئے جبکہ 10 زخمی ہو گئے۔
اس سیکشن میں متعلقہ حوالہ پوائنٹس شامل ہیں (Related Nodes field)
ڈیرہ اسماعیل خان پولیس کے ترجمان ذوالقرنین نے بتایا کہ قریشی موڑ کے قریب دھماکہ اس وقت ہوا جب امن کمیٹی کے رہنماؤں کے گھر میں شادی کی تقریب جاری تھی۔
ذوالقرنین کے مطابق دھماکے کی جگہ سے خود کش حملہ آور کا سر مل گیا ہے۔
ریسکیو1122 کے ترجمان بلال احمد فیضی نے بتایا کہ دھماکے کی جگہ سے پانچ لاشوں اور 10 زخمیوں کو ہسپتال منتقل کیا گیا ہے۔
انہوں نے بتایا کہ ریسکیو ٹیموں کی امدادی کارروائیاں جاری ہیں۔
