وزیرِاعظم شہباز شریف سے روٹری انٹرنیشنل فاؤنڈیشن کے صدر کی ملاقات، پاکستان سے پولیو کے مکمل خاتمے کے عزم کا اعادہ
اسلام آباد: وزیرِاعظم محمد شہباز شریف سے روٹری انٹرنیشنل فاؤنڈیشن کے صدر فرانسیسکو اریزو نے ملاقات کی۔ اس موقع پر وفاقی وزیرِ صحت سید مصطفیٰ کمال اور وزیرِاعظم کی انسدادِ پولیو کے لیے خصوصی نمائندہ عائشہ رضا فاروق بھی موجود تھیں۔
وزیرِاعظم نے روٹری انٹرنیشنل فاؤنڈیشن کی جانب سے پاکستان میں پولیو کے خاتمے کے لیے اٹھائے گئے اقدامات اور معاونت کو سراہا۔ انہوں نے کہا کہ حکومتِ پاکستان اس مرض کے مکمل خاتمے کے لیے پرعزم ہے اور اس مقصد کے لیے ہر ممکن وسائل بروئے کار لائے جائیں گے۔
ملاقات میں اس بات پر اتفاق کیا گیا کہ پولیو جیسے موذی مرض کے خاتمے کے لیے پاکستان اور روٹری انٹرنیشنل کے درمیان تعاون مزید بڑھایا جائے گا۔ وزیرِاعظم نے کہا کہ پاکستان پولیو سے پاک دنیا کے ہدف میں عالمی برادری کے ساتھ شانہ بشانہ ہے۔
روٹری انٹرنیشنل فاؤنڈیشن کے صدر فرانسیسکو اریزو نے اس عزم کا اظہار کیا کہ ان کی تنظیم پاکستان میں پولیو کے خاتمے کے لیے حکومت کے ساتھ مل کر عملی اقدامات جاری رکھے گی۔ انہوں نے اس بات پر زور دیا کہ انسدادِ پولیو مہمات میں والدین اور مقامی کمیونٹی کا تعاون انتہائی اہم ہے۔
انسدادِ پولیو کی خصوصی نمائندہ عائشہ رضا فاروق نے بریفنگ دیتے ہوئے بتایا کہ پولیو ٹیمیں ملک بھر میں سرگرم ہیں اور مشکل ترین علاقوں تک رسائی کے لیے مربوط حکمت عملی اپنائی جا رہی ہے
متعلقہ پوسٹ
غزہ میں قحط کی باضابطہ تصدیق، انسانی بحران سنگین ترین مرحلے میں داخلغزہ/نیویارک (مانیٹرنگ ڈیسک) اقوامِ متحدہ سے منسلک عالمی ادارہ Integrated Food Security Phase Classification (IPC) نے پہلی مرتبہ غزہ سٹی میں قحط (Famine) کی باضابطہ تصدیق کر دی ہے، جسے خوراک کی شدید کمی کا سب سے خطرناک مرحلہ قرار دیا جاتا ہے۔ رپورٹ کے مطابق اگر فوری اور بڑے پیمانے پر انسانی امداد نہ پہنچی تو یہ بحران غزہ…
غزہ جنگ: 20 ہزار سے زائد اسرائیلی فوجی زخمی، نصف نفسیاتی مریض، وزارت دفاعتل ابیب – اسرائیلی وزارتِ دفاع نے انکشاف کیا ہے کہ غزہ میں جاری جنگ کے نتیجے میں اب تک 20 ہزار سے زائد فوجی زخمی ہو چکے ہیں، جن میں سے تقریباً نصف شدید نفسیاتی دباؤ اور ذہنی امراض میں مبتلا ہیں۔وزارتِ دفاع کی رپورٹ کے مطابق جنگ کے طویل دورانیے، شدید مزاحمت اور ہلاکت خیز جھڑپوں نے فوجیوں…
