اسلام آباد : پاکستان نے کرپٹو سفارت کاری کے میدان میں نمایاں کامیابیاں حاصل کر کے عالمی سطح پر اپنا مقام مستحکم کر لیا ہے۔ سفارتی ماہرین کے مطابق پاکستان نے نہ صرف خطے بلکہ عالمی سطح پر کرپٹو کرنسی اور ڈیجیٹل فنانس سے متعلق پالیسی مباحثوں میں فعال کردار ادا کیا ہے بلکہ مختلف ممالک کے ساتھ باہمی تعاون کے نئے دروازے بھی کھولے ہیں۔
ذرائع کے مطابق پاکستان کی اسٹریٹجک پالیسی نے کئی بین الاقوامی فورمز پر پذیرائی حاصل کی ہے، جہاں ڈیجیٹل معیشت، سائبر سکیورٹی، بلاک چین ٹیکنالوجی اور کرپٹو کرنسی کے ضابطہ جاتی فریم ورک پر پاکستان کی تجاویز کو سنجیدگی سے لیا جا رہا ہے۔
ماہرین کا کہنا ہے کہ کرپٹو سفارت کاری کے ذریعے پاکستان نے بین الاقوامی سطح پر ڈیجیٹل سرمایہ کاری، نئی ٹیکنالوجیز کے تبادلے اور ریگولیٹری ہم آہنگی کو فروغ دینے کے اقدامات شروع کیے ہیں۔ ان اقدامات سے نہ صرف پاکستان کی مالیاتی منڈی کو عالمی سطح پر تسلیم کیے جانے کا موقع ملا ہے بلکہ نوجوانوں کے لیے روزگار اور سرمایہ کاری کے امکانات بھی بڑھنے کی توقع ہے۔
سفارتی حلقوں کا کہنا ہے کہ پاکستان آئندہ برسوں میں کرپٹو سفارت کاری کے ذریعے اپنی معیشت کو عالمی ڈیجیٹل معیشت سے جوڑنے کے مزید اقدامات کرے گا، جس سے ملکی معیشت کو نئے مواقع میسر آئیں گے۔
