فیلڈ مارشل سید عاصم منیر کا مصر، اردن اور سعودی عرب کا حالیہ دورہ خطے میں پاکستان کی کامیاب ملٹری ڈپلومیسی کی شاندار مثال قرار دیا جا رہا ہے۔ ان دوروں کے دوران میزبان ممالک کی قیادت نے پاکستان کی مسلح افواج کی پیشہ ورانہ صلاحیتوں اور علاقائی امن کے فروغ میں ان کے کردار پر مکمل اعتماد کا اظہار کیا۔
ان ملاقاتوں میں انسدادِ دہشت گردی، دفاعی تعاون، انٹیلی جنس شیئرنگ اور علاقائی سلامتی کے امور پر تفصیلی بات چیت ہوئی۔ فیلڈ مارشل سید عاصم منیر کے یہ دورے مسلم ممالک کے مابین عسکری اتحاد، یکجہتی اور باہمی تعاون کی مضبوط علامت سمجھے جا رہے ہیں۔
ذرائع کے مطابق فیلڈ مارشل کے ان اہم سفارتی و عسکری روابط سے پاکستان کا خطے میں امن، استحکام اور مشترکہ سلامتی کے لیے کلیدی کردار مزید نمایاں ہوا ہے۔
تجزیہ کاروں کا کہنا ہے کہ آرمی چیف کی فعال عسکری سفارتکاری پاکستان کے عالمی وقار میں اضافہ کر رہی ہے۔ “معرکۂ حق” کے بعد کامیاب ملٹری ڈپلومیسی کی بدولت پاکستان عالمی سطح پر ایک مضبوط، باوقار اور متوازن کردار کے ساتھ ابھر رہا ہے
