لاہور — دریائے راوی میں سیلابی ریلے کے بعد لاہور کی رہائشی سوسائٹی پارک ویو سٹی کا ایک پورا بلاک زیرِ آب آ گیا۔ سوسائٹی ڈیم کا منظر پیش کر رہی ہے اور مکانات سمیت سڑکیں اور بنیادی سہولتیں پانی میں ڈوب گئی ہیں۔
مقامی رہائشیوں کے مطابق پانی اچانک تیزی سے داخل ہوا جس کے باعث گھروں میں موجود سامان اور گاڑیاں شدید متاثر ہوئیں۔ شہریوں نے شکایت کی کہ انتظامیہ کی جانب سے بروقت وارننگ یا حفاظتی اقدامات نہیں کیے گئے۔
ریسکیو ٹیموں نے متاثرہ علاقے میں امدادی کارروائیاں شروع کر دی ہیں جبکہ لوگوں کو محفوظ مقامات پر منتقل کرنے کی کوششیں جاری ہیں۔
