خیبر پختونخوا کے ضلع جنوبی وزیرستان میں واقع وانا کیڈٹ کالج میں داخل ہونے والے تمام دہشت گردوں کو سیکیورٹی فورسز نے ہلاک کر دیا۔
سیکیورٹی ذرائع کے مطابق آپریشن کے دوران کسی طالب علم یا استاد کو نقصان نہیں پہنچا۔
آپریشن کمانڈر کرنل محمد طاہر نے اپنے ویڈیو بیان میں کہا کہ دہشت گردوں کو پہلے کالج کے ایک مخصوص حصے تک محدود کیا گیا اور پھر منگل کی رات تقریباً 10 بجے بھرپور کارروائی کرتے ہوئے تمام حملہ آوروں کو ہلاک کر دیا گیا
ان کا مزید کہنا تھا کہ کالج کے اندر موجود تمام افراد کو آپریشن سے پہلے ہی بحفاظت نکال لیا گیا تھا، اور اب پورا علاقہ کلیئر کر دیا گیا ہے۔
ذرائع کے مطابق سیکیورٹی فورسز نے علاقے کو گھیرے میں لے کر تلاشی کارروائی مکمل کر لی ہے، جبکہ ہلاک دہشت گردوں کی شناخت کے لیے فرانزک تحقیقات شروع کر دی گئی ہیں۔
متعلقہ پوسٹ
ارشد ندیم کا سفرِ عروج — سونے کے تمغے، عالمی ریکارڈ اور عاجزی کی مثال
اسلام آباد: پاکستان کے عالمی شہرت یافتہ جیولین تھرو اسٹار ارشد ندیم نے کہا ہے کہ اُن کی کامیابیوں میں ان کے اساتذہ اور کوچز کی رہنمائی کا کلیدی کردار ہے۔ 28 سالہ ارشد، جو میاں چنوں سے تعلق رکھتے ہیں، نے کہا کہ وہ ہمیشہ اپنی ’’نِکہری‘‘ شروعات کو یاد رکھتے ہیں جنہوں نے انہیں آج یہاں تک پہنچایا۔ارشد…
