(ویب ڈیسک)بھارت میں اکثر شادیوں کے موقع پر مضحکہ خیز واقعات کا ہونا معمول ہے، کبھی دلہن کی ناراضگی تو کبھی دلہے والوں کی طرف جہیز کا مطالبہ، بھارت میں ہونے والی شادی پر ایک ایسا واقعہ پیش جس نے مہمانوں کو بھی چونکا دیا۔
بھارتی میڈیا رپورٹ کے مطابق ریاست اترپردیش کے دیوریا میں دلہن نے سسرال پہنچنے کے 20 منٹ بعد شوہر کے ساتھ رہنے سے انکار کردیا جس کی وجہ سے پانچ گھنٹے طویل پنچایت ہوئی اور بالآخر شادی ختم ہوگئی۔
نوجوان کی شادی سلیم پور نگر پنچائیت کی لڑکی کے ساتھ طے ہوئی تھی، شادی بڑی دھوم دھام سے ہوئی اور تمام رسومات انجام دی گئیں تاہم دولہا کے کالے ہونے پر دلہن نے شادی ختم کرنے کا فیصلہ کیا۔
شادی کے بعد دلہن سسرال پہنچی جہاں خاندان اور محلے کی خواتین نے روایتی چہرہ دکھانے کی تقریب شروع ہوئی، رسومات کے دوران دلہن اچانک اٹھی اور کہا کہ اسے اپنے والدین کو بلانا ہے۔
مزید پڑھیں:سری لنکن سکواڈ وطن پہنچتے ہی امدادی سرگرمیوں میں مصروف
جب دلہن سے وجہ پوچھی گئی تو اس نے کہا کہ دلہا کالا ہے اور وہ سسرال کے ساتھ نہیں رہے گی ، فوری میکے واپس جانا چاہتی ہے۔
شوہر اور گھر والوں نے تسلی دینے اور سمجھانے کی کوشش کی لیکن اس نے رکنے سے صاف انکار کردیا جلد ہی دلہن کے گھر والے بھی آگئے۔
انہوں نے بھی سمجھایا لیکن دلہے کی رنگت اور سسرال والوں کے رویے کا کہہ کر وہ اپنے فیصلے پر قائم رہی۔
کشیدگی بڑھنے پر پنچایت بلائی گئی جو تقریباً پانچ گھنٹے تک جاری رہی بالآخر دونوں خاندان باہمی رضامندی سے شادی ختم کرنے پر راضی ہوگئے اور دلہن اہلخانہ کے ساتھ روانہ ہوگئی۔
پولیس کا کہنا ہے کہ یہ مسئلہ ہمارے نوٹس میں آیا لیکن کسی نے شکایت درج نہیں کروائی اور پنچائیت میں ہی باہمی رضامندی سے دولہا، دلہن الگ ہوگئے۔
