(ویب ڈیسک)آسٹریلیا کے شہر سڈنی کے ساحلی علاقے میں اتوار کے روز یہودیوں کے تہوار کی تقریب کے دوران فائرنگ کے واقعے میں 10 افراد ہلاک اور متعدد زخمی ہو گئے ہیں۔
نیو ساؤتھ ویلز پولیس کے مطابق بانڈی بیچ پر منعقدہ ہنوکا کی تقریب کے دوران نامعلوم مسلح افراد نے فائرنگ کر دی، جس کے نتیجے میں اب تک 10 افراد کی ہلاکت کی اطلاعات ہیں۔
نیو ساؤتھ ویلز پولیس نے سوشل میڈیا پلیٹ فارم ایکس پر جاری بیان میں کہا کہ پولیس آپریشن تاحال جاری ہے اور شہریوں سے اپیل کی گئی ہے کہ وہ علاقے میں جانے سے گریز کریں۔
Two people are in police custody at Bondi Beach; however, the police operation is ongoing and we continue to urge people to avoid the area.
Please obey ALL police directions. Do not cross police lines.
— NSW Police Force (@nswpolice) December 14, 2025
سوشل میڈیا پلیٹ فارم ایکس پر گردش کرنے والی ویڈیوز میں بانڈی بیچ پر موجود لوگوں کو فائرنگ اور پولیس سائرن کی آوازوں کے دوران بھاگتے ہوئے دیکھا جا سکتا ہے۔
آسٹریلوی وزیراعظم انتھونی البانیزے کے ترجمان نے اپنے بیان میں کہا کہ ہم بانڈی میں جاری سیکیورٹی صورتحال سے آگاہ ہیں اور علاقے میں موجود افراد سے اپیل کرتے ہیں کہ وہ نیو ساؤتھ ویلز پولیس کی ہدایات پر عمل کریں۔
