مغربی سرحد پر کشیدگی کے باعث صدر زرداری کی ہندو برادری سے ہولی سادگی سے منانے کی اپیل

images 25


اسلام آباد — صدرِ مملکت آصف علی زرداری نے پاکستان کی ہندو برادری کو تہوارِ بہاراں ہولی کی مبارکباد دیتے ہوئے انہیں احتیاط اور سادگی کے ساتھ جشن منانے کی اپیل کی ہے۔
صدر نے اپنے بیان میں کہا کہ پاکستان اپنی مذہبی اور ثقافتی تنوع پر فخر کرتا ہے اور ہندو برادری ہمارے قومی تانے بانے کا ایک اہم اور قابلِ قدر حصہ ہے۔ انہوں نے کہا کہ ہولی محبت، امید اور بھائی چارے کا پیغام لے کر آتی ہے اور ہم چاہتے ہیں کہ یہ پیغام ہمارے معاشرے میں مزید پھیلے۔
تاہم صدرِ مملکت نے مغربی سرحد پر موجودہ کشیدگی اور ملکی سیکیورٹی صورتحال کا حوالہ دیتے ہوئے ہندو برادری سے درخواست کی کہ وہ اس سال بڑی اجتماعی تقریبات اور عوامی اجتماعات سے گریز کریں اور ہولی کے تہوار کو محدود اور سادہ انداز میں منائیں۔
انہوں نے زور دیا کہ قومی یکجہتی، ملک کی سلامتی اور قومی ہم آہنگی ہماری اولین ترجیح ہے اور موجودہ حالات میں اعتدال اور بردباری وقت کی سب سے بڑی ضرورت ہے۔ صدر نے امید ظاہر کی کہ ہندو برادری امن اور یکجہتی کے جذبے کے ساتھ یہ خوشی کا تہوار منائے گی اور حالات معمول پر آنے کے بعد آئندہ برس پوری دھوم دھام سے جشن منایا جا سکے گا۔

متعلقہ پوسٹ