اسلام آباد: شہباز شریف کی زیر صدارت نوجوانوں کے لیے ملازمت کے مواقع بڑھانے سے متعلق ایک اہم جائزہ اجلاس منعقد ہوا، جس میں حکومتی اقدامات اور جاری پروگرامز پر تفصیلی بریفنگ دی گئی۔
وزیراعظم نے Rana Mashhood Ahmad Khan کی سربراہی میں Prime Minister Youth Programme کی کارکردگی پر اطمینان کا اظہار کرتے ہوئے کہا کہ نوجوان قوم کا مستقبل ہیں اور انہیں بااختیار بنانا حکومت کی اولین ترجیح ہے۔
اجلاس میں وزیراعظم نے ہدایت کی کہ نوجوانوں کو ہم عصر تقاضوں کے مطابق فنی و تکنیکی تربیت فراہم کرنے کے اقدامات میں مزید تیزی لائی جائے۔ انہوں نے کہا کہ National Vocational and Technical Training Commission میں حالیہ اصلاحات کے بعد تربیت کے معیار میں نمایاں بہتری آئی ہے اور اس کے مثبت نتائج سامنے آ رہے ہیں۔
بریفنگ کے دوران بتایا گیا کہ حکومت نوجوانوں کو بین الاقوامی سطح پر مانگ والے ہنر کی تربیت اور عالمی سرٹیفیکیشن فراہم کرنے پر توجہ دے رہی ہے، جبکہ PM Youth Hub قومی و بین الاقوامی روزگار مواقع کی معلومات کے لیے مرکزی پلیٹ فارم بن چکا ہے۔
اجلاس کو آگاہ کیا گیا کہ آئی ٹی، صحت، تعمیرات، سیاحت اور لاجسٹکس سمیت مختلف شعبوں میں بیرون ملک ملازمت کے مواقع موجود ہیں، جبکہ Higher Education Commission Pakistan ملک کی 282 جامعات کے فارغ التحصیل طلبہ کی ڈیجیٹل ٹریکنگ کر رہا ہے تاکہ روزگار کے رجحانات کا ڈیٹا حاصل کیا جا سکے۔
مزید بتایا گیا کہ وفاقی وزارت تعلیم کے تحت 32 اداروں میں "میٹرک ٹیک” پروگرام متعارف کروایا جا چکا ہے، جبکہ اسی طرز پر "انٹر ٹیک” پروگرام بھی جلد شروع کیا جائے گا۔
