نیتن یاہو ایک بھی ہدف حاصل نہ کرسکے، اسرائیلی تاریخ کی بدترین سیاسی تباہی: لاپید

IMG 20260409 WA1542


تل ابیب |
اسرائیلی اپوزیشن رہنما یائر لاپید نے وزیراعظم بنیامین نیتن یاہو پر کڑی تنقید کرتے ہوئے کہا ہے کہ وہ سیاسی اور حکمتِ عملی دونوں محاذوں پر مکمل طور پر ناکام رہے اور اپنے ہی طے کردہ اہداف میں سے ایک بھی حاصل نہ کر سکے۔
لاپید نے کہا کہ نیتن یاہو نے اسرائیل کو سیاسی اور اسٹریٹجک دونوں لحاظ سے ناقابلِ تلافی نقصان پہنچایا ہے اور اس نقصان کی تلافی میں برسوں لگیں گے۔ انہوں نے مزید کہا کہ اسرائیل کی پوری تاریخ میں ایسی سیاسی تباہی کبھی نہیں آئی۔
اپوزیشن رہنما نے خاص طور پر اس بات پر شدید تشویش ظاہر کی کہ جب اسرائیل کی قومی سلامتی سے متعلق اہم فیصلے کیے جا رہے تھے، اس وقت اسرائیل مذاکرات کی میز پر موجود ہی نہیں تھا، جو کہ ایک سنگین سفارتی ناکامی ہے۔
لاپید کے یہ بیانات ایسے وقت سامنے آئے ہیں جب اسرائیل میں نیتن یاہو کی قیادت پر اندرونی دباؤ میں مسلسل اضافہ ہو رہا ہے۔

متعلقہ پوسٹ