ایران اور امریکا میں تعمیری مذاکرات ہوئے، جنگ بندی کے عزم پر قائم رہنا چاہئے: اسحاق ڈار

اسلام آباد — پاکستان کے وزیرِ خارجہ اسحاق ڈار نے کہا ہے کہ ایران اور امریکا کے درمیان تعمیری مذاکرات ہوئے ہیں اور دونوں ممالک کو جنگ بندی کے عزم پر قائم رہنا چاہیے۔
اسحاق ڈار نے میڈیا سے گفتگو میں کہا کہ "میں ایران اور امریکا دونوں کا شکر گزار ہوں کہ انہوں نے مذاکرات کی میز کو ترجیح دی۔” انہوں نے مزید کہا کہ پاکستان خطے میں امن و استحکام کے لیے اپنی سفارتی کوششیں جاری رکھے گا۔
وزیرِ خارجہ نے واضح کیا کہ اسلام آباد دونوں فریقوں کے ساتھ رابطے میں ہے اور کشیدگی کم کرنے کے لیے پُرامن حل کی حمایت کرتا ہے۔ انہوں نے زور دیا کہ جنگ کسی مسئلے کا حل نہیں اور مذاکرات ہی واحد راستہ ہیں۔
پاکستان کا یہ بیان ایسے وقت میں آیا ہے جب ایران اور امریکا کے درمیان جوہری مسئلے پر کشیدگی عروج پر ہے اور عالمی برادری پُرامن حل کی توقع رکھتی ہے۔