راولپنڈی —
راولپنڈی کی اڈیالہ جیل میں قید بانی پی ٹی آئی عمران خان کو آنکھوں کے علاج کے سلسلے میں ایک بار پھر پاکستان انسٹیٹیوٹ آف میڈیکل سائنسز (پمز) منتقل کیا گیا، جہاں انہیں چوتھا انٹرا وٹریئل انجکشن لگایا گیا۔
پمز کے طبی ذرائع کے مطابق طریقہ کار سے قبل ماہر امراضِ چشم نے عمران خان کا معائنہ کیا اور انہیں طبی لحاظ سے مستحکم قرار دیا۔ اس موقع پر کی گئی آپٹیکل کوہرینس ٹوموگرافی (OCT) میں بھی بینائی کی حالت میں بہتری کے آثار ظاہر ہوئے، جسے ڈاکٹروں نے ایک مثبت پیشرفت قرار دیا۔
طریقہ کار کامیابی سے مکمل
پمز کے مطابق تمام ضروری طبی احتیاطی تدابیر اختیار کرتے ہوئے مائیکروسکوپی گائیڈنس میں انجکشن لگایا گیا۔ یہ پورا عمل ڈے کیئر سرجری کے طور پر انجام دیا گیا اور کامیابی کے ساتھ مکمل ہوا۔
علاج کے دوران عمران خان کی صحت مستحکم رہی اور طریقہ کار سے قبل، دوران اور بعد میں ان کے وائیٹل سائنز مکمل طور پر نارمل رہے، جو اطمینان بخش صورتحال کی عکاسی کرتے ہیں۔
علاج کی تکمیل کے بعد انہیں ضروری طبی ہدایات اور فالو اپ پلان دے کر ڈسچارج کر دیا گیا، جس کے بعد انہیں واپس اڈیالہ جیل منتقل کر دیا گیا۔
واضح رہے کہ عمران خان کچھ عرصے سے آنکھوں کے عارضے میں مبتلا ہیں اور پمز کی ماہر ٹیم ان کا باقاعدہ علاج کر رہی ہے۔ یہ اسی سلسلے کا چوتھا انجکشن تھا اور ڈاکٹروں کے مطابق علاج درست سمت میں جاری ہے۔
متعلقہ پوسٹ
ایران میں ایک اور انقلاب آنے کو ہے؟
گذشتہ تقریباً 50 برسوں میں مشرق وسطیٰ میں غالباً صرف ایک صورت حال ایسی ہے کہ جس میں فریب کی حد تک ہی سہی، کوئی تبدیلی نہیں ہوئی اور وہ ایران میں مذہبی قیادت کی حکمرانی ہے۔ اب یہ صورت حال تبدیل ہونے کے قریب ہو سکتی ہے، جس میں حکومت کی تبدیلی یا افراتفری یا ان دونوں کا امکان موجود ہے اور…
اسلام آباد: جرائم کے خلاف کریک ڈاؤن تیز، 13 ملزمان گرفتار، پولیس کا زیرو ٹالرنس کا اعلان
اسلام آباد: وفاقی دارالحکومت میں جرائم کے انسداد کے لیے اسلام آباد پولیس نے کارروائیاں تیز کرتے ہوئے 13 جرائم پیشہ عناصر کو گرفتار کرلیا، جن میں سنگین مقدمات میں مطلوب 5 اشتہاری بھی شامل ہیں۔ پولیس کے مطابق مختلف تھانوں—مارگلہ، گولڑہ، شمس کالونی، کھنہ اور لوہی بھیر—میں کارروائیوں کے دوران 343 گرام آئس، 36 بوتل شراب اور 4 پستول…
ایرانی عوام احتجاج جاری رکھیں مدد پہنچنے والی ہے؛ڈونلڈ ٹرمپ
(ویب ڈیسک)امریکی صدر ڈونلڈ ٹرمپ نے ایرانی عوام کو پیغام میں کہا ہے کہ ایرانی عوام احتجاج جاری رکھیں۔ مدد پہنچنے والی ہے۔ امریکی صدر ڈونلڈ ٹرمپ نے سوشل میڈیا پر ایرانی عوام کو مخاطب کرتے ہوئے کہا کہ مظاہرین احتجاج جاری رکھیں اور ملک کے اداروں کا کنٹرول سنبھالیں،ڈونلڈ ٹرمپ نے مظاہرین کے قتل اور تشدد میں ملوث افراد…
خلیجی ممالک میں قائم امریکی اڈے ناکارہ ہو گئے، ایرانی حملوں سے خوفزدہ فوجی ہوٹلوں میں منتقل
امریکی اخبار کی ایک اہم رپورٹ میں انکشاف کیا گیا ہے کہ ایرانی حملوں کے بعد مشرقِ وسطیٰ میں قائم امریکا کے متعدد فوجی اڈے شدید نقصان کے باعث ناقابلِ رہائش ہو گئے ہیں جس کے نتیجے میں بڑی تعداد میں امریکی فوجیوں کو ہنگامی طور پر ہوٹلوں اور دفتری عمارتوں میں منتقل کرنا پڑا۔ رپورٹ کے مطابق اس غیر…
