چین امریکا سربراہی ملاقات کے بعد تائیوان کی واشنگٹن سے اسلحہ فراہمی کی یاددہانی
ٹرمپ کی آزادی نہ ڈیکلیئر کرنے کی وارننگ پر تائیپے کا محتاط ردعمل

IMG 20260516 WA1792


تائیپے / واشنگٹن — امریکی صدر ڈونلڈ ٹرمپ اور چینی صدر شی جن پنگ کے درمیان سربراہی ملاقات کے بعد تائیوان نے امریکا کو اپنے اسلحہ فراہمی کے وعدے کی یاددہانی کرائی ہے۔
تائیوان کی یہ یاددہانی اس وقت سامنے آئی جب صدر ٹرمپ نے تائیوان کو خبردار کیا کہ وہ باضابطہ طور پر آزادی کا اعلان نہ کرے۔ ٹرمپ کی یہ وارننگ چین کے ساتھ سربراہی ملاقات کے فوری بعد آئی جس سے تائیپے میں تشویش کی لہر دوڑ گئی۔
تائیوان نے واضح کیا کہ امریکا کا اسلحہ فراہم کرنے کا عہد اس کی سلامتی کے لیے ناگزیر ہے اور اسے جلد از جلد عملی شکل دی جانی چاہیے۔ تائیپے کا موقف ہے کہ بیجنگ کی بڑھتی ہوئی فوجی جارحیت کے پیشِ نظر اسلحے کی فراہمی میں مزید تاخیر قابلِ قبول نہیں۔
تجزیہ کاروں کے مطابق ٹرمپ۔شی ملاقات کے بعد واشنگٹن کا تائیوان کے حوالے سے لہجہ نرم پڑنے کے اشارے مل رہے ہیں جو تائیپے کے لیے باعثِ فکر ہے۔

متعلقہ پوسٹ