امریکی حملوں کے بعد ایران کی جوابی کارروائی، بحرین، کویت اور اردن میں امریکی تنصیبات کو نشانہ بنانے کا دعویٰ

IMG 20260716 WA1834


تہران / واشنگٹن: مشرقِ وسطیٰ میں کشیدگی مزید شدت اختیار کر گئی ہے۔ ایران نے امریکی فضائی کارروائیوں کے جواب میں بحرین، کویت اور اردن میں امریکی فوجی تنصیبات کو میزائلوں اور ڈرونز سے نشانہ بنانے کا دعویٰ کیا ہے، جبکہ امریکہ نے ایران کے اندر مزید اہداف پر حملے جاری رکھنے اور بحری ناکہ بندی سخت کرنے کا اعلان کیا ہے۔
ایرانی فوج کے مطابق، اردن میں موجود امریکی فوجی تنصیبات کے مواصلاتی مراکز اور ایندھن ذخیرہ کرنے کی تنصیبات کو خودکش ڈرونز کے ذریعے نشانہ بنایا گیا۔
دوسری جانب اردن کی مسلح افواج نے کہا ہے کہ ایران سے آنے والے 8 ڈرونز کو ملکی فضائی حدود میں داخل ہونے سے قبل ہی مار گرایا گیا۔
امریکہ کا کہنا ہے کہ اس کی تازہ کارروائیاں ایران کی فوجی صلاحیتوں کو محدود کرنے اور آبنائے ہرمز میں بین الاقوامی جہاز رانی کے تحفظ کے لیے کی جا رہی ہیں، جبکہ ایران نے ان حملوں کو اپنی خودمختاری کی خلاف ورزی قرار دیتے ہوئے مزید جوابی اقدامات کا عندیہ دیا ہے۔

متعلقہ پوسٹ