(ویب ڈیسک)ایک طاقتور سمندری طوفان جاپان کے بحرالکاہل کے ساحلی علاقوں کی جانب بڑھ رہا ہے، جس کے باعث کانتو ریجن اور مشرقی جاپان کے دیگر علاقوں میں موسلا دھار بارش، تیز ہواؤں اور سیلاب کا خطرہ بڑھ گیا ہے۔
جاپان کے محکمہ موسمیات نے خبردار کیا ہے کہ موسم کی صورتحال تیزی سے خراب ہو سکتی ہے۔
محکمہ کے مطابق ٹائیفون دوجوان دن کے اواخر میں ٹوکیو کے میٹروپولیٹن علاقے کے قریب سے گزرنے کی پیش گوئی کی گئی ہے۔
Typhoon Dujuan approaches eastern Japan https://t.co/yevjBLBmtb
— Reuters (@Reuters) September 21, 2026
آئیزو جزائر، چیبا پریفیکچر اور بحرالکاہل کے ساحلی علاقوں کے دیگر حصوں میں پہلے ہی شدید بارشیں ہو چکی ہیں، جبکہ بعض مقامات پر ہفتے سے اب تک 300 ملی میٹر یعنی 12 انچ سے زائد بارش ریکارڈ کی گئی ہے۔
محکمہ موسمیات کے مطابق ٹائیفون کے کانتو ریجن کے قریب پہنچنے کے ساتھ پیر کی سہ پہر سے بارشوں کی شدت میں مزید اضافہ ہو سکتا ہے، کانتو ریجن میں ٹوکیو اور اس کے گردونواح کے متعدد پریفیکچرز شامل ہیں۔
مزید پڑھیں:موسم کا رنگ بدلنے کو تیار، بارش کے ساتھ تیز ہوائیں چلنے کی پیشگوئی
وسطی جاپان کے ایچی پریفیکچر میں جاری ایشین گیمز کے دوران منتظمین نے ٹائیفون کے پیش نظر گھڑ سواری کے ایونٹنگ مقابلے کو بھی ملتوی کرکے منگل کو منتقل کر دیا ہے۔
حکام نے خبردار کیا ہے کہ کانتو اور وسطی جاپان میں بارش کے مسلسل اور مرتکز بینڈز بن سکتے ہیں، جس سے اچانک سیلاب اور بارش سے متعلق دیگر قدرتی آفات کا خطرہ نمایاں طور پر بڑھ سکتا ہے۔
جاپان میں حالیہ برسوں کے دوران ایسے بارشی بینڈز ایک بڑھتی ہوئی تشویش بن چکے ہیں۔ یہ نسبتاً محدود علاقے میں کئی گھنٹوں تک غیرمعمولی مقدار میں بارش برسا سکتے ہیں۔
ٹائیفون دوجوان ایسے وقت میں جاپان کی جانب بڑھ رہا ہے جب دنیا کے مختلف خطوں میں شدید موسمی واقعات میں اضافہ دیکھا جا رہا ہے۔
اور مشرقی ایشیا سے شمالی امریکا اور یورپ تک غیرمعمولی بارشوں، سیلاب اور شدید سمندری طوفانوں کے واقعات رپورٹ ہو رہے ہیں۔
