ایران میں حکومت گرانے کا مبینہ منصوبہ ناکام، موساد کے دو سینئر افسر برطرف

mojtaba 7826 d


اسرائیلی نشریاتی ادارے Channel 12 کی ایک رپورٹ کے مطابق موساد کے سربراہ رومن گوفمان نے ایران میں حکومت کی تبدیلی کے مبینہ منصوبے کے ناکام ہونے یا عملی مرحلے تک نہ پہنچنے کے بعد دو سینئر انٹیلی جنس افسران کو عہدوں سے ہٹا دیا ہے۔ برطرف ہونے والوں میں موساد کے انٹیلی جنس ڈائریکٹوریٹ کے سربراہ، جنہیں چند ماہ قبل ہی اس منصب پر تعینات کیا گیا تھا، اور ادارے کے ایران ڈویژن کے سربراہ شامل ہیں۔ چینل نے دونوں افسران کی شناخت ظاہر نہیں کی۔
رپورٹ کے مطابق یہ منصوبہ امریکہ کے ساتھ قریبی رابطے میں تیار کیا گیا تھا، جس میں اسرائیل اور امریکہ کے وسیع فضائی حملوں کے ساتھ ساتھ ایران کے اندر حکومت مخالف عناصر اور اپوزیشن گروپوں کی حمایت کے ذریعے داخلی سطح پر تبدیلی لانے کی کوشش شامل تھی۔ ایک مبینہ مشترکہ Mossad-CIA منصوبے میں یہ تصور بھی شامل تھا کہ امریکی اور اسرائیلی فضائی حمایت کے ساتھ کرد مسلح جنگجو ایران میں داخل ہوں، تاہم یہ منصوبہ ابتدائی مرحلے میں ہی رک گیا۔

متعلقہ پوسٹ