(ویب ڈیسک)روس کے علاقے کباردینو بلکاریا میں کوہ پیماؤں کے ایک گروپ پر برفانی تودہ گرنے کے نتیجے میں کم از کم 11 افراد ہلاک اور 6 زخمی ہوگئے ،6 دیگر کوہ پیماؤں کی تلاش جاری ہے۔
مقامی ہنگامی امدادی اداروں کے مطابق حادثہ شام تقریباً 5 بجے مزیہرگی پہاڑ پر پیش آیا، جہاں 33 کوہ پیماؤں کا گروپ موجود تھا۔
At least 11 climbers were killed and six others injured after an avalanche from Mount Mizhirgi struck a group of 33 climbers in Russia’s Kabardino-Balkaria region. pic.twitter.com/uys0GkDHsK
— Breaking911 (@Breaking911) September 7, 2026
روس کے شمالی قفقاز کی بلند ترین چوٹیوں میں شمار ہونے والے اس پہاڑ سے اچانک برفانی تودہ نیچے آ گرا اور کوہ پیماؤں کو اپنی لپیٹ میں لے لیا۔
امدادی حکام کے مطابق پیر کی صبح تک 10 کوہ پیما خود پہاڑ سے بحفاظت نیچے اترنے میں کامیاب ہوگئے تھے، تاہم 6 افراد کے بارے میں تاحال کوئی معلومات نہیں مل سکیں۔
مزید پڑھیں:سینٹ پیٹرزبرگ میں روس نے جرمن قونصل خانہ بند کردیا
حادثے کے بعد 50 سے زائد امدادی کارکنوں نے سرچ اینڈ ریسکیو آپریشن شروع کردیا، امدادی کارروائیوں میں دشوار گزار پہاڑی علاقہ اور مزید برفانی تودے گرنے کا شدید خطرہ ہے۔
حکام کا کہنا ہے کہ لاپتا کوہ پیماؤں کی تلاش کے لیے آپریشن جاری ہے، تاہم خراب اور خطرناک موسمی و جغرافیائی حالات کے باعث امدادی ٹیموں کو انتہائی احتیاط سے کام کرنا پڑ رہا ہے۔
