سابق قومی کپتان شاہد آفریدی نے بھارت کے خلاف حسن نواز کی شاندار اننگز کو سراہتے ہوئے کہا کہ انہوں نے اعلیٰ معیار کی اور ہر لحاظ سے گولڈ میڈل کے قابل اننگز کھیلی۔
شاہد آفریدی نے ایکس پر اپنے پیغام میں قومی ٹیم کی حوصلہ افزائی کرتے ہوئے کہا کہ کھلاڑی ہمت نہ ہاریں، ٹیم کا مقابلہ کرنے کا انداز بہت پسند آیا۔
What a knock by Hassan Nawaz! That was absolute quality, a gold medal-worthy innings in every sense. 👏
At the end of the day, India just played better overall cricket and earned the win. Heads up boys, loved the fight! 🇵🇰🏏 #AsianGames
— Shahid Afridi (@SAfridiOfficial) October 3, 2026
انہوں نے کہا کہ مجموعی طور پر بھارت نے بہتر کرکٹ کھیلی اور کامیابی حاصل کی، تاہم پاکستانی کھلاڑیوں نے بھرپور مقابلہ کیا جو بہت پسند آیا۔
سابق کپتان محمد یوسف نے بھی حسن نواز کی کارکردگی کو سراہتے ہوئے کہا کہ انہوں نے زبردست کھیل پیش کیا اور بین الاقوامی کرکٹ میں اپنی اچھی فارم کا سلسلہ برقرار رکھا۔
محمد یوسف نے ایکس پر بیان میں کہا کہ پاکستان نے کامیابی کے حصول کے لیے کھیل کے مختلف شعبوں میں مثبت پیش رفت کی ہے۔
واضح رہے کہ حسن نواز نے ایشین گیمز کے فائنل میں بھارت کے خلاف 51 گیندوں پر 96 رنز کی جارحانہ اننگز کھیلی جس میں 7 چھکے اور 5 چوکے شامل تھے۔
