فلائنگ کار پاکستان میں چل پڑی تو کیا ہوگا؟ سوشل میڈیا پر میمز کی بھرمار

فلائنگ کار.webp


فلائنگ کار پاکستان میں چل پڑی تو کیا ہوگا؟ سوشل میڈیا پر میمز کی بھرمار

پاکستان میں فلائنگ کار کا تصور، سوشل میڈیا پر دلچسپ میمز نے دھوم مچادی


  • ویب ڈیسک

امریکی ارب پتی کاروباری شخصیت ایلون مسک کی فلائنگ کار اگر پاکستان میں متعارف ہوگئی تو کیا ہوگا؟ اس سوال کو لے کر سوشل میڈیا صارفین نے دلچسپ میمز بنانا شروع کردیں جن میں کہیں اسے کراچی کی ٹریفک کا حل قرار دیا گیا تو کہیں بجلی کے تاروں میں پھنسا ہوا دکھایا گیا۔

سوشل میڈیا پر وائرل ہونے والی ان میمز میں پاکستانی صارفین نے فلائنگ کار کو اپنے روزمرہ مسائل اور مقامی حالات سے جوڑ کر مزاحیہ انداز اپنایا۔ کسی نے اسے گھر میں سبزی پہنچانے کے لیے استعمال کرتے دکھایا تو کسی نے شہر کی ٹریفک سے بچنے کے لیے بہترین سواری قرار دے دیا۔

بسنت کے تہوار کی آمد کے پیش نظر بھی صارفین نے خوب مزاح کیا۔ ایک صارف نے دعویٰ کیا کہ اس نے پتنگ لوٹنے کے لیے فلائنگ کار کی بکنگ کروا لی ہے جبکہ ایک اور میم میں اس جدید سواری کو بجلی کے تاروں میں پھنسا ہوا دکھایا گیا جس نے دیکھنے والوں کو محظوظ کیا۔

مزاح کا سلسلہ یہیں نہیں رکا بلکہ ایک صارف نے روایتی گدھا گاڑی کو ہی فلائنگ کار کی شکل دے دی جسے سوشل میڈیا پر خاصی توجہ ملی۔

پاکستانی صارفین کی ان تخلیقی میمز میں کراچی کی ٹریفک، بجلی کے تاروں، بسنت اور روزمرہ زندگی کے مسائل کو مزاحیہ انداز میں پیش کیا گیا ہے۔ یہی وجہ ہے کہ فلائنگ کار کے تصور پر بنائی گئی یہ میمز سوشل میڈیا پر دلچسپی کا باعث بن رہی ہیں۔





Source link

متعلقہ پوسٹ