برطانوی جریدے میں بھارت کے 4 رافیل طیارے کم ہونے کا انکشاف

rafale jets1794953371 0



لندن:

انڈین ایئر فورس (IAF) نے جون 2025 میں فرانسیسی ساختہ 36 رافیل لڑاکا طیاروں کی موجودگی ظاہر کی تھی، لیکن برطانوی ایوی ایشن جریدے نے اپنی تازہ ترین ‘ورلڈ ایئر فورسز’ ڈائریکٹری برائے 2027 میں انڈین ایئر فورس (IAF) کے پاس فعال سروس میں موجود رافیل لڑاکا طیاروں کی تعداد 32 ظاہر کی ہے۔

یہ تعداد نئی دہلی کی جانب سے سرکاری طور پر بتائی گئی 36 طیاروں کی تعداد سے چار کم ہے۔

بین الاقوامی ایوی ایشن اور ایرو سپیس نیوز آؤٹ لیٹ ‘فلائٹ گلوبل’ (FlightGlobal) ہر سال یہ ڈائریکٹری شائع کرتا ہے، جس میں 161 ممالک کے فوجی طیاروں کے بیڑے کا ریکارڈ درج ہوتا ہے۔

10 نومبر کو شائع ہونے والے اس کے تازہ ترین ایڈیشن میں بھارت کے پاس صرف 32 فعال رافیل طیارے دکھائے گئے ہیں، جبکہ انڈین ایئر فورس کا دعویٰ ہے کہ ان کے پاس 36 طیارے موجود ہیں۔

اس سے قبل رواں سال، انڈین ایئر فورس نے تصدیق کی تھی کہ فرانس سے حاصل کیے گئے تمام 36 رافیل لڑاکا طیارے سروس میں موجود ہیں۔

یہ بیان ایسے وقت میں سامنے آیا ہے جب نئی دہلی نے پاکستان کے ان دعوؤوں کو مسترد کر دیا ہے کہ مئی 2025 میں ‘آپریشن سندور’ کے دوران بھارتی طیارے مار گرائے گئے تھے۔

بھارت نے 2016 میں فرانس سے تقریباً 8.7 ارب ڈالر مالیت کے 36 رافیل لڑاکا طیارے خریدنے کا معاہدہ کیا تھا، جو گزشتہ دو دہائیوں میں اس کی جانب سے جنگی طیاروں کی پہلی بڑی خریداری تھی۔

تازہ ترین فہرست میں یہ اعداد و شمار مئی 2025 میں پاکستان اور بھارت کے درمیان ہونے والی فوجی جھڑپ کے تقریباً 18 ماہ بعد سامنے آئے ہیں۔ پاک فوج نے دعویٰ کیا تھا کہ 6 اور 7 مئی کی درمیانی شب، ‘ورکنگ باؤنڈری’ اور ‘لائن آف کنٹرول’ کے ساتھ چھ مقامات پر شہری بنیادی ڈھانچے پر بھارتی میزائل حملوں کے جواب میں، اس نے پانچ بھارتی لڑاکا طیارے مار گرائے، جن میں فرانس کے ساختہ تین رافیل طیارے بھی شامل تھے۔

گزشتہ سال ایک نیوز بریفنگ کے دوران ISPR کے ڈائریکٹر جنرل لیفٹیننٹ جنرل احمد شریف چوہدری نے تصدیق کی تھی کہ بھارتی فضائیہ کے پانچ طیارے مار گرائے گئے تھے، جن میں تین رافیل، ایک مگ-29 اور ایک ایس یو-30شامل تھے۔

نئی دہلی نے اس مختصر تنازعے کے دوران اپنے طیارے کھونے کی بار بار تردید کی۔ تاہم، بین الاقوامی میڈیا کی کئی رپورٹس اور امریکی صدر ڈونلڈ ٹرمپ کے بیانات میں بھارتی طیارے مار گرائے جانے کا ذکر کیا گیا۔

اس تصادم کے کچھ دن بعد، فرانس کے ایک سینئر انٹیلی جنس عہدیدار نے سی این این کو بتایا کہ پاکستان نے بھارتی فضائیہ کا ایک رافیل طیارہ مار گرایا ہے، یہ فرانس کے ساختہ اس لڑاکا طیارے کا پہلا معلوم جنگی نقصان ہو سکتا ہے۔

اگست 2025 میں، ٹرمپ نے کہا کہ مئی میں پاکستان اور بھارت کے درمیان تنازعے کے دوران سات طیارے مار گرائے گئے تھے۔

انہوں نے نامہ نگاروں کو بتایا، بھارت اور پاکستان کے درمیان جنگ ایک ایسے اگلے مرحلے پر پہنچ گئی تھی جو ایٹمی جنگ بن سکتی تھی… وہ پہلے ہی سات طیارے مار گرا چکے تھے۔





Source link

متعلقہ پوسٹ