گلگت — بالائی ہنزہ کے علاقے مورخون میں دریائے ہنزہ کے کٹاؤ سے شاہراہِ قراقرم کا بڑا حصہ دریا برد ہوگیا، جس سے پاکستان اور چین کے درمیان زمینی راستہ منقطع ہوگیا۔صوبائی حکومت کے ترجمان فیض اللہ فراق کے مطابق گلیشیائی پگھلاؤ اور پانی کے بہاؤ میں اضافے سے گلگت بلتستان کے مختلف مقامات پر سیلابی صورتحال پیدا ہو رہی ہے۔
وزیراعلیٰ نے شاہراہ کی فوری بحالی کی ہدایت دی ہے اور متعلقہ ادارے مرمت کے لیے روانہ ہو چکے ہیں۔ترجمان نے مزید بتایا کہ اسکردو کے علاقے زھوق کچورا میں کشتی الٹنے سے لاپتا سیاحوں کی تلاش جاری ہے۔ جھیلوں میں کشتیاں چلانے پر دفعہ 144 کے تحت پابندی عائد ہے اور خلاف ورزی پر کارروائی ہو رہی ہے۔
