پاکستان کے ارشد ندیم اور بھارت کے نیرج چوپڑا ایک بار پھر آمنے سامنے

لاہور (اسپورٹس ڈیسک) ─ ورلڈ ایتھلیٹکس چیمپئن شپ میں جیولین تھرو کا مقابلہ سب کی توجہ کا مرکز بن گیا ہے، جہاں پاکستان کے اسٹار ایتھلیٹ ارشد ندیم اور بھارت کے اولمپک چیمپئن نیرج چوپڑا ایک بار پھر مد مقابل ہوں گے۔
پاکستانی ایتھلیٹ ارشد ندیم شاندار فارم میں ہیں اور عالمی ایونٹ میں کوالیفائنگ راؤنڈ میں شاندار تھرو کے ساتھ فائنل میں پہنچے ہیں۔ دوسری جانب نیرج چوپڑا نے بھی اپنی عمدہ کارکردگی سے بھارتی شائقین کی امیدوں کو جلا بخشی ہے۔
یہ مقابلہ محض کھیل نہیں بلکہ پاکستان اور بھارت کے شائقین کے لیے ایک بڑے اعصاب شکن ایونٹ کی حیثیت رکھتا ہے۔ دونوں ممالک کے عوام اس میچ کو کرکٹ کے روایتی مقابلوں کی طرح سنجیدگی اور جوش و خروش کے ساتھ دیکھ رہے ہیں۔
ماہرین کھیل کا کہنا ہے کہ ارشد ندیم اور نیرج چوپڑا کا آمنا سامنا جیولین تھرو کے عالمی منظرنامے پر ایک یادگار باب رقم کرے گا۔ ان کے مطابق یہ مقابلہ محض دو ایتھلیٹس کا ٹکراؤ نہیں بلکہ جنوبی ایشیا کے کھیلوں کے عروج اور خطے کی نمائندگی کا مظہر ہے۔
پاکستانی مداح ارشد ندیم کی جیت کے لیے دعاگو ہیں، جبکہ بھارتی شائقین نیرج چوپڑا کو کامیاب دیکھنے کے منتظر ہیں۔ دونوں کھلاڑیوں کے درمیان یہ ٹکراؤ دنیا بھر میں شائقین کی نظریں اپنی جانب کھینچنے والا ایک بڑا ایونٹ ثابت ہوگا۔