راولپنڈی: تھانہ صدر بیرونی پولیس نے راولپنڈی اڈیالہ جیل کے باہر دھرنے کے خلاف انسداد دہشتگردی ایکٹ کی دفعات کے تحت مقدمہ درج کیا ہے۔ مقدمے میں علیمہ خان، ڈاکٹر عظمیٰ، نورین نیازی، قاسم خان، سلمان اکرم، راجہ عالیہ، حمزہ، نعیم پنجوتھہ، تابش فاروق، طیبہ راجا، نادیہ خٹک، ہارون، راجہ اسد عباس، ظفر گوندل، شفقت عباس سمیت مجموعی طور پر 35 افراد کے نام فہرست میں شامل کیے گئے ہیں جبکہ کل 400 ملزمان کے خلاف کارروائی کا حکم دیا گیا ہے۔
ذرائع کے مطابق مقدمے میں پولیس اہلکاروں پر پٹرول بم حملے، تشدد اور دفعہ 144 کی خلاف ورزی کے الزامات عائد کیے گئے ہیں۔ مقدمے کے 14 ملزمان کو موقع سے گرفتار کر کے انسداد دہشتگردی عدالت میں پیش کیا گیا ہے۔
واضح رہے کہ علامہ ناصر عباس کا نام اس مقدمے میں شامل نہیں کیا گیا۔
