سرگودھا میں شادی کا جھانسہ دے کر دلہےکو لوٹ لیا گیا۔
پولیس کے مطابق واقعہ سرگودھا کے علاقے قصبہ مٹھہ لک میں پیش آیا جہاں شادی کا جھانسہ دےکر دلہےکو لوٹ لیا گیا۔
دلہا کے مطابق نکاح ہوا، مٹھائی بٹی اور پھر مجھے نشہ آور مٹھائی کھلائی گئی جس سے میں بے ہوش ہوگیا، ہوش میں آنے پر دلہن، اس کا بھائی اور رشتہ کروانے والی خاتون غائب تھی۔
دلہا کا کہنا ہےکہ شادی کرانےکے عوض 1 لاکھ 50 ہزار اور نکاح کے 20 ہزار روپے دیے تھے۔
پولیس کے مطابق دلہن، اس کے مبینہ بھائی عمر حیات اور رشتہ کروانے والی خاتون شاہدہ پروین پر مقدمہ درج کرلیا گیا ہے۔ واقعے کی تحقیقات کر رہے ہیں، فراڈیوں کے گروہ کو جلد گرفتار کیا جائےگا۔
