پاکستان کو ٹرانس شپمنٹ حب بنانے کیلئے اہم اقدامات، بندرگاہوں کی گنجائش بڑھانے کا فیصلہ

IMG 20260327 WA2446


اسلام آباد/کراچی، 27 مارچ 2026: حکومتِ پاکستان نے ملک کو علاقائی ٹرانس شپمنٹ حب بنانے کے لیے اہم اقدامات اٹھاتے ہوئے بندرگاہوں کی گنجائش بڑھانے کا فیصلہ کیا ہے۔
حکام کے مطابق اس اقدام کا مقصد بین الاقوامی تجارت کو فروغ دینا اور پاکستان کی لاجسٹک صلاحیت کو بہتر بنانا ہے تاکہ خطے میں تجارتی سرگرمیوں کو مزید وسعت دی جا سکے۔
سرکاری اعداد و شمار کے مطابق Karachi Port پر حالیہ دنوں میں 8 ہزار کنٹینرز وصول کیے گئے جبکہ 3 ہزار 500 کنٹینرز روانہ کیے گئے، جو بندرگاہی سرگرمیوں میں تیزی کی عکاسی کرتا ہے۔
دوسری جانب National Logistics Corporation نے تجارتی سہولت کاری کے لیے اسکیننگ چارجز میں 50 فیصد کمی کا اعلان کیا ہے، جسے کاروباری برادری کے لیے ایک مثبت پیش رفت قرار دیا جا رہا ہے۔
ماہرین کے مطابق بندرگاہوں کی گنجائش میں اضافہ اور لاگت میں کمی کے اقدامات سے پاکستان خطے میں ایک اہم تجارتی راہداری کے طور پر ابھر سکتا ہے، جس سے ملکی معیشت کو بھی فائدہ پہنچے گا۔

متعلقہ پوسٹ