ایران کے وزیر خارجہ کا بڑا اعلان — جنگ بندی اور ہرمز آبنائے کھولنے کی پیشکش

تہران (اے ایس اے) — ایران کے وزیر خارجہ سید عباس عراقچی نے وزیراعظم پاکستان شہباز شریف اور آرمی چیف فیلڈ مارشل عاصم منیر کی امن کوششوں کو سراہتے ہوئے شوریٰ عالی امنیت ملی کی جانب سے دو اہم اعلانات کیے ہیں۔
پہلا اعلان: اگر ایران کے خلاف فوجی حملے فوری طور پر روک دیے جائیں تو ایرانی مسلح افواج بھی اپنے دفاعی جوابی حملے معطل کر دیں گی۔
دوسرا اعلان: آبنائے ہرمز میں تجارتی اور غیر فوجی بحری جہازوں کو دو ہفتوں کے لیے محفوظ گزرگاہ دی جائے گی، تاہم اس کے لیے ایرانی مسلح افواج کے ساتھ مربوط ہم آہنگی ضروری ہوگی۔
یہ اعلان پاکستانی وزیراعظم کی اپیل، امریکہ کی 15 نکاتی تجاویز اور امریکی صدر کی جانب سے ایران کے 10 نکاتی فریم ورک کو مذاکرات کی بنیاد تسلیم کرنے کے پس منظر میں کیا گیا ہے۔