دو طرفہ دفاعی معاہدے کے تحت پاکستانی فوجی دستہ سعودی عرب کے کنگ عبدالعزیز ائیر بیس پہنچ گیا

IMG 20260411 WA1916 1


ریاض، — سعودی عرب کی وزارت دفاع نے اعلان کیا ہے کہ اسلامی جمہوریہ پاکستان کا ایک فوجی دستہ دونوں برادر ممالک کے درمیان طے پانے والے مشترکہ اسٹریٹیجک دفاعی معاہدے کے تحت مشرقی علاقے میں واقع کنگ عبدالعزیز ائیر بیس پر پہنچ گیا ہے۔
ایکس پر جاری سرکاری بیان کے مطابق یہ پاکستانی دستہ پاک فضائیہ کے لڑاکا اور معاون طیاروں پر مشتمل ہے۔
سعودی وزارت دفاع کے مطابق اس تعیناتی کے تین بنیادی مقاصد ہیں: دونوں ممالک کی افواج کے درمیان فوجی تعاون کو مضبوط بنانا، عملی تیاری کی سطح کو بلند کرنا، اور علاقائی و عالمی سطح پر امن و استحکام کو فروغ دینا۔
یہ پیش رفت خطے کی موجودہ حساس صورت حال کے پیش نظر پاکستان اور سعودی عرب کے درمیان دیرینہ اسٹریٹیجک شراکت داری کی مضبوط عکاسی کرتی ہے۔
یہ تعیناتی دونوں ممالک کے درمیان دفاعی تعلقات کی گہرائی اور علاقائی سطح پر مربوط فوجی تیاری کا واضح اظہار ہے۔

متعلقہ پوسٹ