ترکیہ نے طویل رینج والے جدید بین البراعظمی بیلسٹک میزائل کی نمائش کر دی

استنبول: ترکیہ نے اپنے پہلے بین البراعظمی بیلسٹک میزائل (ICBM) کے پروٹو ٹائپ یلدرم ہان کی عوامی نمائش کر دی ہے، جو ترک دفاعی صنعت کے لیے ایک اہم سنگ میل ہے۔
SAHA 2026 انٹرنیشنل ڈیفنس اینڈ ایروسپیس ایگزیبیشن میں پیش کیے گئے اس میزائل کی مجموعی رینج 6 ہزار کلومیٹر بتائی گئی ہے، جبکہ یہ آواز کی رفتار سے 25 گنا زیادہ (25 Mach) کی رفتار سے ہدف تک پہنچنے کی صلاحیت رکھتا ہے۔
یہ مایع ایندھن والا میزائل ترک وزارتِ دفاع کے تحقیق و ترقیاتی مرکز کی جانب سے تیار کیا گیا ہے۔ اس نمائش کے ساتھ ترکیہ ان چند ممالک میں شامل ہو گیا ہے جو ICBM کلاس ٹیکنالوجی رکھتے ہیں، جس سے علاقائی توازنِ قوت میں نمایاں تبدیلی آ سکتی ہے۔
ماہرین کے مطابق یہ پیش رفت ترکیہ کی جدید ہتھیاروں میں خودمختاری حاصل کرنے کی جاری کوششوں کا حصہ ہے۔ میزائل کی انتہائی رفتار اور لمبی رینج اسے روایتی فضائی دفاعی نظاموں کے لیے intercept کرنا مشکل بنا دیتی ہے۔
ترک حکام نے اسے دفاعی صنعت میں ایک بڑی کامیابی قرار دیا ہے۔ یاد رہے کہ ترکیہ پچھلے برسوں میں Tayfun جیسی ہائپر سونک میزائل سیریز سمیت متعدد مقامی دفاعی پروگراموں میں تیزی سے ترقی کر چکا ہے۔