حوثیوں کا بحیرۂ احمر کے ساحل پر مکمل کنٹرول، سعودی تیل پائپ لائن بند

haisi 1309 d


صنعاء — حوثیوں نے یمن کے بحیرۂ احمر کے پورے ساحلی علاقے پر کنٹرول حاصل کر لیا ہے۔ سنیچر کی صبح بین الاقوامی سطح پر تسلیم شدہ یمنی حکومت کی فورسیز کے خلاف تیز رفتار پیش قدمی کرتے ہوئے باغی گروپ نے ساحل کے آخری قصبوں پر قبضہ کر لیا اور آبنائے باب المندب کے جزیروں تک پیش قدمی کی، جیسا کہ حکومتی ذرائع اور عینی شاہدین نے بتایا۔ اس سے حوثیوں کا خلیج عدن کو بحیرۂ احمر سے ملانے والی اہم بحری گزرگاہ باب المندب پر کنٹرول مزید مضبوط ہو گیا ہے۔
ایرانی خبر رساں ایجنسی "ارنا” کے مطابق حوثیوں نے آبنائے باب المندب پر نظر رکھنے والے ایک اہم فوجی مرکز اور اہم جزیرہ زقر پر بھی مکمل کنٹرول کا دعویٰ کیا ہے۔ واضح رہے کہ رواں سال امریکہ ایران جنگ شروع ہونے سے قبل دنیا کی توانائی کا پانچواں حصہ اسی راستے سے گزرتا تھا۔
دریں اثنا سعودی عرب نے حملوں کے بعد اپنی اہم ایسٹ ویسٹ پائپ لائن عارضی طور پر بند کر دی ہے۔ سعودی وزارتِ توانائی کے مطابق ریاض اور مدینہ کے علاقوں میں ایک روز قبل پائپ لائن کو نشانہ بنایا گیا تھا۔ یہ پائپ لائن بقیق سے ینبع بندرگاہ تک روزانہ تقریباً ۵۰ لاکھ بیرل خام تیل منتقل کرنے کی صلاحیت رکھتی ہے۔

متعلقہ پوسٹ