اسلام آباد پولیس لائنز میں 13 سالہ گھریلو ملازمہ کی مبینہ تشدد کے بعد ہلاکت، مقدمہ درج

images 11 17


اسلام آباد (محمد سلیم سے ) — اسلام آباد پولیس لائن ہیڈکوارٹر میں رہائش پذیر 13 سالہ گھریلو ملازمہ فاطمہ اصغر کی مبینہ تشدد کے بعد ہلاکت کے واقعے میں تھانہ شمس کالونی پولیس نے قتل کی دفعات کے تحت مقدمہ درج کر لیا ہے۔ ذرائع کے مطابق بچی کو ناخوشگوار حالت میں قائد اعظم ہسپتال منتقل کیا گیا، جہاں وہ جان نہ بچ سکی۔
ذرائع کے مطابق فاطمہ اصغر کا تعلق ضلع راجن پور سے تھا اور وہ ایک سینئر پولیس افسر کے گھر گھریلو ملازم کے طور پر رہائش پذیر تھی۔ بچی کے والد نے پولیس کو بتایا کہ انہیں اطلاع دی گئی کہ بیٹی کی طبیعت اچانک خراب ہو گئی ہے، تاہم علاج کے دوران وہ فوت ہو گئی۔
والد کے مطابق بچی کے جسم پر تشدد کے مبینہ نشانات پائے گئے، جن کی بنیاد پر انہوں نے شفاف تحقیقات اور ذمہ داروں کے خلاف قانونی کارروائی کا مطالبہ کیا ہے۔ پولیس نے کہا ہے کہ موت کی اصل وجہ، جسم پر موجود مبینہ نشانات اور واقعے سے متعلق دیگر پہلو طبی رپورٹ اور تحقیقات سے طے ہوں گے۔

متعلقہ پوسٹ